سەناتور: «قازاق فيلمنىڭ» 300 ميلليون تەڭگەگە تۇسىرگەن تۋىندىسى جەتى-اق مىڭ تەڭگە تابىس اكەلگەن

استانا. KAZINFORM - سەنات دەپۋتاتى بەكبولات ورىنبەكوۆ پارلامەنت پالاتالارىنىڭ بىرلەسكەن وتىرىسىندا بيۋجەتتىڭ ءتيىمسىز يگەرىلۋى كينو سالاسىندا دا بەلەڭ العانىن ايتتى.

Сенатор: «Қазақфильмнің» 300 млн теңгеге түсірген туындысы 7 мың теңге ғана табыс әкелген
Фото: Александр Павский/Kazinform

«وتاندىق كينەماتوگرافيا سالاسىندا كوپ جىلدان بەرى كەلە جاتقان ۇلكەن پروبلەمالار بار. 2016-2022-جىلدارى «قازاق فيلمگە» كينو شىعارۋعا جانە پروكاتتاۋعا 14,5 ميلليارد تەڭگە بولىنگەنىمەن ونىڭ 4,8 پايىزى عانا اقتالدى»، - دەدى دەپۋتات.

سەناتور جەكەلەگەن فيلمدەردىڭ قايتارىمىنا توقتالدى.

«مىسالى، «ارۋاق» فيلمىنە 300 ميلليون تەڭگە جۇمسالسا، تابىسى 7 مىڭ تەڭگە عانا تۇسكەن. «كومپوزيتور» فيلمىنە 1,2 ميلليارد تەڭگە باعىتتالسا، ونىڭ تابىسى 400 مىڭ تەڭگە بولدى. ۇلتتىق كينونى مەملەكەتتىڭ قولداۋى ورتالىعى بويىنشا 2019-2023-جىلدارى بيۋجەتى 6,7 ميلليارد تەڭگە، ال پروكات سوماسى 1,1 ميلليارد تەڭگە. وكىنىشكە قاراي، وسىنداي مىسالدار وتە كوپ. سوندىقتان مەملەكەتتىك اۋديتورلاردىڭ ەسەپتەرى ەسكەرىلمەدى دەگەن كۇمان بار»، - دەدى ول.

سوڭعى جاڭالىقتار