سەمەيدەگى تانىمال اسپالى كوپىرگە جوندەۋ جۇرگىزىلەدى

  اباي وبلىسىندا ەرتىس وزەنى ارقىلى جاڭا ءتورت جولاقتى كوپىر سالىنىپ جاتىر. سونداي- اق، سەمەيدەگى اسپالى كوپىرگە جوندەۋ جۇرگىزىلەدى.

بۇل تۋرالى اباي وبلىسىنىڭ اكىمى نۇرلان ۇرانحايەۆ ەلورداداعى ەسەپ بەرۋ بريفينگىندە ايتتى، دەپ حابارلايدى Kazinform.

«كولىك ينفراقۇرىلىمى سالاسىندا ەرتىس وزەنى ارقىلى جاڭا ءتورت جولاقتى كوپىر قۇرىلىسى جۇرۋدە. اسپالى كوپىردى جاپون ماماندارى تەكسەردى. قازىر جوبالىق- سمەتالىق قۇجاتامالارى ازىرلەنۋدە»، - دەدى نۇرلان ۇرانحايەۆ استاناداعى ورتالىق كوممۋنيكاتسيالار قىزمەتىندە وتكەن بريفينگتە.

وبلىس اكىمدىگىنىڭ حابارلاۋىنشا، كوپىردىڭ نەگىزگى قۇرىلىمىن جوندەۋ عانا ەمەس، جول توسەمىن جاڭارتۋ دا جوسپارلانۋدا.

ودان بولەك، 2023 -جىلى جەرگىلىكتى ماڭىزى بار 235 شاقىرىم جول ورتاشا جوندەۋدەن ءوتتى.

اتالعان جۇمىستارعا 9,9 ميلليارد تەڭگە قاراستىرىلعان.

ونىڭ ىشىندە «ومبى- مايقاپشاعاي» تاس جولىنان «سيەۆەرنىي» سلو- عا دەيىنگى اۆتوجول سالىندى، شاكەنوۆ كوشەسىندە كوپىر سالىنىپ، اياگوز قالاسىنداعى باراق باتىر كوشەسىندەگى كوپىر قايتا جاڭعىرتىلعان.

نورماتيۆتىك جاعدايداعى جولداردىڭ ۇلەسىن جىل سوڭىنا دەيىن %90 عا، 2025 -جىلعا قاراي - %97 عا جەتكىزۋ جوسپارلانىپ وتىر.

«كەشەندى جوسپارعا سايكەس، 2024-2025 -جىلدارى كولىك ءدالىزىن كەڭەيتۋ ءۇشىن 270 شاقىرىم بولاتىن «باقتى- اياگوز» تەمىر جولىنىڭ قۇرىلىسى جوسپارلانعان. ونىڭ تەحنيكالىق- ەكونوميكالىق نەگىزدەمەسىنە ساراپتامانىڭ وڭ قورىتىندىسى الىندى. وسى ورايدا اكىمدىك تەمىرجول سالۋعا ارنايى جەرلەردى بەلگىلەپ، رەزەرۆكە قويدى. جوبانى ىسكە اسىرۋ قىتاي حالىق رەسپۋبليكاسىمەن ەكىجاقتى تەمىرجول تاسىمالى كولەمىنىڭ جىلدىق مولشەرىن، 20 ميلليون تونناعا دەيىن ۇلعايتۋعا مۇمكىندىك بەرەدى»، - دەيدى نۇرلان ۇرانحايەۆ.

ايتا كەتەيىك، پرەزيدەنت تاپسىرماسىمەن سەمەي قالاسىن دامىتۋدىڭ باس جوسپارىن ازىرلەۋ جۇمىستارى ءجۇرىپ جاتىر.

قارت سەمەيدىڭ كەسكىن- كەلبەتىن جاقسارتۋ، تۇرعىندارعا جايلى ورتا قالىپتاستىرۋ باعىتىندا دا جۇمىستار ۇزدىكسىز اتقارىلىپ كەلەدى.