سەمەيدە ەرتىس ارقىلى وتەتىن جاڭا كوپىر سالىنىپ جاتىر

سەمەي. KAZINFORM - سەمەي قالاسىندا ەرتىس ارقىلى وتەتىن جاڭا كوپىر سالىنىپ جاتىر. اباي وبلىسى اكىمدىگىنىڭ مالىمەتىنە سۇيەنسەك، سەمەيدە ەرتىس وزەنى ارقىلى وتەتىن جاڭا كوپىردىڭ قۇرىلىسى جالعاسىپ جاتىر.

«ەرتىس وزەنى ارقىلى سالىنىپ جاتقان كوپىردىڭ 9 تىرەگى جانە 8 ارالىعى بولادى. كوپىردىڭ جالپى ۇزىندىعى 1350 مەتردى قۇرايدى. ونىڭ 810 مەترى كوپىردىڭ نەگىزگى بولىگىنە، ال قالعان 540 مەترى ەكى جاعىنان ورنالاسقان قوسىمشا اۆتوموبيل جولدارىنا تيەسىلى. ەنى - 23 مەتر»، - دەلىنگەن اقپاراتتا.

جاڭا كوپىر قالاداعى كولىك كەپتەلىسىن ازايتىپ، كولىك اعىنىن رەتكە كەلتىرۋگە مۇمكىندىك بەرەدى دەپ كۇتىلەدى.

ەسكە سالساق، وسىعان دەيىن اباي وبلىسى اكىمىمەن سەمەي ورمانى، اسپالى كوپىر جانە الاكولدە تۋريزمدى دامىتۋ جايلى سۇحبات قۇرعان بولاتىنبىز.