09:10, 27 - ماۋسىم 2024 | GMT +5
سەمسەرلەسۋدەن ازيا چەمپيوناتىندا قازاقستان قورجىنى التىن جۇلدەمەن تولىقتى
استانا. KAZINFORM - شپاگامەن سەمسەرلەسۋدەن قازاقستان ەرلەر كومانداسى ازيا چەمپيونى اتاندى.
ۇلتتىق وليمپيادالىق كوميتەتتىڭ مالىمەتىنشە، ەرلەر قۇراماسى فينالىندا وليمپيادا چەمپيونى سانالاتىن جاپونيا قۇراماسىنان باسىم ءتۇستى.
سونداي-اق تۋرنير بارىسىندا قاتار، قىرعىزستان، گونكونگ قۇرامالارىنىڭ سپورتشىلارىن جەڭدى.
شپاگادان كوماندالىق سىندا ەرلىك سەرتاي، ەلمير اليمجانوۆ، رۋسلان كۋربانوۆ پەن ۆاديم شارلايموۆتار سىنعا ءتۇستى. اتالعان تورتتىك پاريجدەگى جازعى وليمپيادا ويىندارىندا ەل نامىسىن قورعايدى.
