تاريحتاعى ەڭ العاشقى SMS ساتىلىمعا شىعادى
«Merry Christmas» («روجدەستۆو قۇتتى بولسىن») دەگەن SMS باستاپقى باعاسى 225 مىڭ دوللار بولاتىن اۋكسيوندا ساتىلادى.
بۇل تۋرالى Daily Mail جازدى.
وسى ماقساتتا «روجدەستۆو مەرەكەسىمەن» دەگەن جازۋى بار «كومميۋنيكە» دەپ اتالاتىن NFT- توكەن جاسالدى.
العاشقى ماتىندىك حابارلامانى 1992 -جىلى 3-جەلتوقساندا Vodafone كومپانياسىنىڭ تاپسىرىسى بويىنشا ءتۇرلى قوسىمشالار ازىرلەگەن Sema Group Telecoms كومپانياسىنىڭ قىزمەتكەرى نيل پاپۋورت Vodafone ديرەكتورى ريچارد دجارۆيستىڭ ۇيالى تەلەفونىنا جىبەرگەن. ول كەزدە پاپۋورت قىسقا حابارلامالار قىزمەتىن دامىتىپ جاتقان بولاتىن.
«30 جىل بۇرىن جىبەرىلگەن بۇل حابارلاما موبيلدى تەحنولوگيا تاريحىنداعى بەتبۇرىس بولدى. 1999 -جىلى Vodafone ارقىلى ءبىرىنشى SMS جىبەرىلگەننەن كەيىن 7 جىلدان سوڭ بىرنەشە جەلى ارقىلى ماتىندىك حابارلاما جىبەرۋ مۇمكىن بولدى. بۇل ولاردىڭ قولدانىلۋىن جەدەلدەتىپ، تانىمال ەتتى»، - دەدى Vodafone باس ديرەكتورى حاننەس امەتسرايتەر.
اۋكسيون 21-جەلتوقساندا روجدەستۆو مەرەكەسى قارساڭىندا وتەدى. اۋكسيوننان تۇسكەن قاراجات ب ۇ ۇ-نىڭ بوسقىندار ءىسى جونىندەگى جوعارعى كوميسسارىنا اۋدارىلادى.
اقپارات دەرەككوزى: massaget.kz
