سمايىلوۆ باس پروكۋراتۋراعا جولدانعان 5 ءىستى جەكە-جەكە اتاپ بەردى
استانا. KAZINFORM - ق ر جوعارعى اۋديتورلىق پالاتاسىنىڭ ءتوراعاسى ءاليحان سمايىلوۆ فارماتسيەۆتيكا سالاسىنا 2024 جانە 2025 -جىلدارى جۇرگىزىلگەن اۋديت ناتيجەسىندە باس پروكۋراتۋراعا جولدانعان ىستەردى اتاپ بەردى.
- ءبىرىنشى فاكت - وتكەن جىلعى اۋديت ناتيجەسى بويىنشا انىقتالدى. ول دارىلىك زاتتار مەن مەديتسينالىق بۇيىمداردىڭ ەلگە كىرۋىنە رۇقسات قۇجاتتارىن زاڭسىز بەرۋگە قاتىستى، - دەدى ول ءماجىلىستىڭ جالپى وتىرىسىنان كەيىنگى باسپا ءسوز ءماسليحاتىندا.
ودان بولەك، سپيكەر بيىلعى اۋديتتەر ناتيجەسىندە تاعى 4 فاكت انىقتالعانىن اتاپ ءوتتى.
- ونىڭ ىشىندە كلينيكالىق زەرتتەۋلەر اياسىندا اياقتالماعان جۇمىس ءۇشىن دەنساۋلىق ساقتاۋ مينيسترلىگىنىڭ تولەم جاساۋ دەرەگى بار. كەلەسىسى، ينفەكسيالىق اۋرۋلار عىلىمي ورتالىعىنىڭ وزدەرى جۇزەگە اسىرعان عىلىمي-تەحنيكالىق باعدارلاما اياسىندا ءتيىستى قۇرىلعىلاردى الماۋىنا قاتىستى. ءۇشىنشىسى، ءبىرىڭعاي ديستريبيۋتەرگە شەتەلدىك مەديتسينالىق قولعاپتى وتاندىق ءونىم رەتىندە كورسەتە وتىرىپ، جوعارى باعادا ساتۋ فاكتىسى. سوڭعىسى، امبۋلاتورلىق-ەمدەۋ اياسىندا تەگىن بەرىلۋى ءتيىس ءدارى-دارمەكتىڭ جەكە ءدارىحانالار سورەسىنەن تابىلۋىنا قاتىستى، - دەدى ءاليحان سمايىلوۆ.
