08:09, 27 - شىلدە 2024 | GMT +6
سەلين ديون پاريج وليمپياداسىنىڭ اشىلۋ سالتاناتىندا ونەر كورسەتتى
استانا. KAZINFORM - سەلين ديون پاريجدەگى وليمپيادا ويىندارىنىڭ اشىلۋ سالتاناتىندا ونەر كورسەتتى.
2022 -جىلى انشىگە نيەۆرولوگيالىق اۋرۋ - بۇلشىق ەت قاتايۋ سيندرومى دياگنوزى قويىلعان بولاتىن. سيرەك كەزدەسەتىن اۋرۋعا شالدىققانىنا قاراماستان، 56 جاستاعى ءانشى اشىلۋ سالتاناتىندا ونەر كورسەتە الدى.
بۇعان دەيىن سەلين ديون Instagram پاراقشاسىنا پاريجدە، لۋۆر ماڭىندا تۇسكەن سۋرەتىن جاريالاعان بولاتىن. وسىدان كەيىن ءانشى وليمپيادانىڭ اشىلۋ سالتاناتىندا ونەر كورسەتۋى مۇمكىن دەگەن قاۋەسەت تاراي باستادى. وليمپيادا ۇيىمداستىرۋشىلارى ونىڭ ساحناعا شىعاتىنىن جۇما كۇنى راستادى.
اۆتور
ەلميرا ورالبايەۆا
