سۇلۋلىق الەمدى قۇتقارا ما - «استانا ارۋى» قاتىسۋشىلارىمەن ەكسكليۋزيۆتى سۇحبات

 12-قازان كۇنى ەلوردادا «استانا ارۋى-2023» سۇلۋلىق بايقاۋى وتەدى. «استانا ارۋى» اتانۋ ءۇشىن اقپان ايىنان بەرى كاستينگ وتكىزىلىپ، مىڭنان استام بويجەتكەن ىرىكتەلگەن. اقتىق سايىسقا اقىلىنا كوركى ساي تەك 17 ارۋ ءوتتى. جەڭىمپازدار «قازاقستان ارۋى» بايقاۋىنا جولداما الادى. ال بۇل بايقاۋدىڭ جەڭىمپازى الەمدىك سايىسقا ەل اتىنان قاتىسادى. 

Сұлулық сайысы
Фото: Фото: Солтан Жексенбеков/Kazinform

Kazinform ءتىلشىسى بايقاۋ ۇمىتكەرلەرىمەن سۇحباتتاسىپ، سۇلۋلىق ۇعىمىن قالاي تۇسىنەتىنىن جانە سايىسقا دايىندىق قالاي ءوتىپ جاتقانىن سۇراعان ەدى.

Kazinform: بايقاۋعا قالاي كەلدىڭىزدەر؟ «استانا ارۋى» اتاعىنا ۇمىتكەرلەر نەمەن اينالىسادى؟

الينا بايعوجينا: مەن 17 جاستامىن، بالا كەزىمنەن مودەلدەۋ سالاسىندا جۇمىس ىستەيمىن. ەكى جاسىمنان باستاپ مەن كوپتەگەن شوۋلارعا، تۇسىرىلىمدەرگە قاتىستىم، سوندىقتان وسى بايقاۋعا دا كەلۋىم زاڭدىلىق شىعار.

رايم شىنابەكوۆا: جاسىم 26 دا. ءسان سالاسىنا كاسىبي تۇردە قاتىسقان جوقپىن. ءبىراق فوتوگرافتار مەنى سۋرەتكە ءتۇسىرۋدى ءجيى سۇرايدى. بۇل جولى ماعان «قازاقستان ارۋى» ديرەكسياسىنان حات جازىپ، «استانا ارۋىنا» قاتىسۋعا شاقىردى. كاستينگ تە ءساتتى ءوتتى.

دانا ەرمەك قىزى: ت. جۇرگەنوۆ اتىنداعى ونەر اكادەمياسىن «كيىم ديزاينەرى» ماماندىعى بويىنشا ءبىتىردىم. العاش رەت وسىنداي بايقاۋدا، مودەلدىك فورماتتا ءوزىمدى سىناپ كورۋدى شەشتىم. بۇعان دەيىن ەش جوباعا قاتىسپاعانمىن.

اننا زورينا: وتكەن جىلى مەديتسينا ۋنيۆەرسيتەتىن «فارماتسيەۆتيكالىق ءوندىرىس تەحنولوگى» ماماندىعى بويىنشا ءبىتىردىم. سوندىقتان مەن ءسان سالاسىنان وتە الىس بولدىم. الايدا قازىر شىعارماشىلىق تابيعاتىما بايلانىستى سانگەرلىككە، اكتەرلىكتە بەت بۇرىپ، شوۋ-بالەت ءارتىسى بولىپ جۇمىس ىستەيمىن.

ءاليما تالعاتوۆا: 10 جاسىمنان ءسان كورسەتىلىمدەرىنە قاتىسىپ كەلەمىن. 2014 -جىلى مەنىڭ اپكەم «استانا ارۋى» اتانعان ەدى. سول ساتتەن بەرى وسى بايقاۋعا قاتىسۋ مەنىڭ دە ۇلكەن ارمانىما اينالدى.

كاريما ءبىرىمجانوۆا: مەن - 23 جاستامىن. بۇل بايقاۋعا قاتىسۋدى كوپتەن بەرى ارمانداعانمىن. ەلدەن جىراقتا وقىپ جۇرگەندە قازاقستان اتىنان حالىقارالىق دەڭگەيدە ونەر كورسەتۋدى ارماندايتىنمىن. بايقاۋعا جارتى جىل قالعاندا ەرەيمەنتاۋداعى الەۋمەتتىك جوباعا قاتىستىم، وندا سكريپكاشىلار توبىمەن ەرەيمەنتاۋ ايماعىن ەكولوگيالىق تۇرعىدا تازارتا الدىق. وسىلايشا تانىمالدىلىق پەن جەكە برەندتىڭ ەلگە ۇلكەن پايدا اكەلەتىنىن ءتۇسىندىم. سوندىقتان، ەگەر «استانا ارۋىن» جەڭە السام، كوپ جاقسىلىق جاساي الامىن دەپ ويلايمىن.

Сұлулық сайысы
Фото: Фото: Солтан Жексенбеков/Kazinform

 

Kazinform: سايىستىڭ اقتىق سىنىنا دايىندىق قالاي ءجۇرىپ جاتىر؟

اننا زورينا: ءبىز ءۇشىن دايىندىق ناۋرىز ايىندا العاشقى كاستينگتەرىمىزدەن باستالىپ كەتتى. ودان كەيىن دە بىرنەشە كەزەڭنەن وتتىك. الدىمەن ولار بەينەتانىستىرۋىمىزدى جينايدى، ەلەكتروندى وتىنىمدەردى قابىلدايدى، سودان كەيىن بەتپە-بەت سۇحباتقا قاتىسىپ، مىڭداعان ادامنىڭ اراسىنان ۇزدىك 20 تاڭدالىپ الىندى، ناۋرىز ايىندا ۇزدىك 10 قىز ىرىكتەلىپ شىقتى.

ءبىراق جازدا كاستينگ تاعى جالعاسىپ، قاتىسۋشىلاردىڭ تولىق سانى جينالدى. مامىر ايىندا ءبىز قايىرىمدىلىق شاراسىن وتكىزدىك، وندا ءاربىر قىز ماڭىزدى الەۋمەتتىك تاقىرىپتى قوزعاپ، ءوز جوباسىن - وسى ماسەلەنى شەشۋ جولدارىن ۇسىندى. كەيىنىرەك جازدا ءۇزىلىس جاساپ، قىركۇيەكتە قىزۋ دايىندىقتى باستاپ كەتتىك. سوڭعى ەكى اپتا بويى فينالعا دايىندالىپ جاتىرمىز، كۇن سايىن جەكە جانە جالپى نومىرلەرىمىزدى قايتالايمىز. قايىرىمدىلىق جوبالارىن دا ۇمىت قالدىرمادىق، جاقىندا عانا قارتتار ۇيىنە بارىپ كونتسەرت وتكىزدىك.

Kazinform: ىرىكتەۋدە قانداي قايىرىمدىلىق جوبالارىن ۇسىندىڭىزدار؟

اننا زورينا: مەندە ادامداردى ەموتسيونالدى ساۋاتتىلىقپەن تانىستىراتىن جوبا بولدى، وسىلايشا ءبىز ابيۋزيۆتى قارىم-قاتىناستاردى، مانيپۋلياتسيالاردى، سونداي-اق جاعىمدى ەموتسيالاردى انىقتاۋدى ۇيرەتەمىز. مەنىڭ جوبامنىڭ شەشىمى - مەكتەپتەر مەن ۋنيۆەرسيتەتتەردە دارىستەر وتكىزۋ بولدى. ويتكەنى ءسىز تەرميندى بىلسەڭىز، ونى ومىرىڭىزدە ءتيىمدى قولدانا الاسىز. وسىلايشا ۇلتتىق دەڭگەيدە ەموتسيونالدى ينتەللەكتتىڭ جالپى دەڭگەيىن كوتەرە الامىز.

كاريما ءبىرىمجانوۆا: قايىرىمدىلىق جوبالار كەشىندە بالالار ۇيلەرىنە كومەك رەتىندە «تالىمگەرلەر» باعدارلاماسىن تانىستىردىم. ونداعى بالالار كوبىنەسە زاتتار، ويىنشىقتار سياقتى ماتەريالدىق قولداۋدى قاجەت ەتپەيدى، ءتىرى ادامنىڭ قولداۋىنا مۇقتاج بولادى.

«تالىمگەرلەر» باعدارلاماسى قاراپايىم ادامعا ناقتى ءبىر بالامەن كەزدەسۋگە مۇمكىندىك بەرەدى. ولار پسيحولوگيالىق تەستتەر ارقىلى سالىستىرىلادى جانە بارىنشا سايكەس كەلەتىنىن بالانى انىقتايدى. سودان كەيىن ولار اپتاسىنا بىرنەشە رەت 1-3 جىل بويى كەزدەسۋگە كەلە الادى، وسىلايشا بالانىڭ الەۋمەتتەنۋىنە، قالىپتى ءومىر سۇرۋىنە كومەكتەسەدى. سونداي-اق، باعدارلاماعا بالانى مەيرامحانا بيزنەسىندە تاعىلىمدامادان وتكىزۋگە جانە بولاشاقتا جۇمىسقا ورنالاسۋعا كومەكتەسە الاتىن كەز كەلگەن بيزنەس قاتىسا الادى.

دينا ۇسىپبەك: مەنىڭ جوبام قالانى جاساندى ينتەللەكت ارقىلى كوگالداندىرۋعا جونىندە بولدى. ياعني «استانا ارۋى – 2023» بايقاۋىنىڭ بيىلعى تاقىرىبى - ەكولوگيا مەن سيفرلىق ينتەللەكتكە نەگىزدەلگەن. مەن «ءبىر تال» اتتى جوبانى جاساپ شىقتىم، وندا ءارقايسىمىز ونلاين فورماتتا قاشىقتا وتىرىپ-اق ءبىر اعاشتان وتىرعىزا الامىز. ول ءۇشىن كەز كەلگەن ادام قانداي دا ءبىر سوما جىبەرە الاتىن پلاتفورما جاسادىم.

ايىم نۇرداۋلەتوۆا: جوبام «ءوزى كىنالى» دەپ اتالادى، وندا تۇرمىستىق زورلىق-زومبىلىقتان زارداپ شەككەن ايەلدەردى قورعاۋ مەن قولداۋ كوزدەلگەن. مەنىڭ ويىمشا، بۇل قازاقستانداعى باستى ماسەلە بولىپ وتىر. جالپى قازاقستاننىڭ ت م د-دا تۇرمىستىق زورلىق-زومبىلىق بويىنشا ءبىرىنشى ورىندا تۇرعانىن ەستىگەندە قاتتى تاڭ قالدىم. بۇل جوبامنىڭ باستى ماقساتى - ماسەلەنى قوعامدىق دەڭگەيدە كوتەرۋ، مەكتەپتەردە، جوعارى وقۋ ورىندارىندا ساباق وتكىزۋ، زارداپ شەككەندەردىڭ بارلىعىنا كومەكتەسۋ ءۇشىن شالعايداعى پۋنكتتەردە، اۋىلداردا ءتۇرلى كومەك ورتالىقتارىن كوبەيتۋ.

ءاليما تالعاتوۆا: مەندە تاماقتانۋ ارقىلى قازاقستان حالقىن ساۋىقتىرۋدى كوزدەيتىن جوبا بولدى. ءبىزدىڭ وتباسىمىز ءاردايىم دۇرىس تاماقتانۋدى ۇستاندى. ءبىزدىڭ ۇيدە تاتتىلەرگە تىيىم جوق، ءبىراق ۇن مەن ءسۇت ونىمدەرىن شەكتەيمىز. سەبەبى مۇنىڭ ءبارى ءبىزدىڭ دەنساۋلىعىمىزعا زيان، اعزاداعى PH جوعارىلايدى نەمەسە ءتۇسىپ كەتەدى. وسى جوبانىڭ ارقاسىندا مەن مەكتەپتەردە، جوعارى وقۋ ورىندارىندا دۇرىس تاماقتانۋ تاقىرىبىن قامتىعىم كەلەدى. مىسالى، شەبەرلىك ساباقتارىن وتكىزۋ، مازىرلەر جاساۋ، تۇتىنۋعا بولاتىن جانە جەۋگە بولمايتىن ونىمدەر ءتىزىمىن قۇرۋ. سەبەبى بارلىق دەرلىك اۋرۋلار تاماقتانۋعا تىكەلەي بايلانىستى.

Конкурс красоты
Фото: Фото: Солтан Жексенбеков/Kazinform

 

Kazinform: جاس وقىرماندارعا كەڭەس رەتىندە سۇلۋلىق قۇپيالارىمەن بولىسە الاسىزدار ما؟ قانداي ءومىر سالتىن ۇستاناسىزدار؟

اننا زورينا: سۇلۋلىقتىڭ باستى سىرى - دۇرىس ۇيقى جانە دۇرىس تاماقتانۋ. وعان سپورتتى دا قوسۋ كەرەك، سەبەبى ول مەتابوليزمدى جاقسارتادى. ۇيقى كۇنىنە 8 ساعاتتان كەم بولماۋى كەرەك. تاڭەرتەڭ مىندەتتى تۇردە تاڭعى اس ىشەمىن، سوندا اعزانىڭ جۇمىسى دا جۇيەلەنەدى. مەن ارنايى ديەتالاردى ۇستانبايمىن، ويتكەنى اعزانىڭ ءوزى قانداي تاعامدار قاجەت ەكەنىن جانە نە جەتىسپەيتىنىن ءينتۋيتيۆتى تۇردە بىلەدى دەپ ويلايمىن.

الينا بايعوجينا: ۇيقى جونىندە اننانىڭ ايتقانىمەن تولىق كەلىسەمىن، بۇل سۇلۋلىقتىڭ ماڭىزدى اسپەكتىلەرىنىڭ ءبىرى، كۇنى بويعى كوڭىل-كۇيىمىزگە ىقپالىن تيگىزەدى. ەكى اي بۇرىن مەن جۇگىرۋدى باستادىم. العاشىندا حوببي عانا بولسا، قازىر مارافوندارعا قاتىسامىن. سوڭعى رەت 21 شاقىرىم قاشىقتىقتا جۇگىردىم. ەكى اي بۇرىنعى جانە قازىرگى كۇيىمدى سالىستىرار بولسام، ايىرماشىلىق جەتەرلىك. سپورت ءبىزدىڭ سۇلۋلىعىمىزعا جانە جالپى كۇيىمىزگە قاتتى اسەر ەتەدى، كۇش-جىگەرىمىزدى دامىتادى.

Kazinform: بايقاۋعا دايىندىق بارىسىندا قانداي قارىم-قاتىناس ورنادى، ارالارىڭىزدا باسەكەلەستىك بار ما؟

دانا ەرمەك قىزى: شىن مانىندە، قىزدارمەن وتە جاقىن دوس بولىپ كەتتىك. بىزدە ەشقانداي نەگاتيۆ نەمەسە قىزعانىش جوق. بارلىق قىزدار مەيىرىمدى جانە پوزيتيۆتى. بايقاۋ اياقتالعاننان كەيىن دە بايلانىسىمىز ۇزىلمەيدى دەپ ۇمىتتەنەمىن. ءبارىمىزدىڭ وسى بايقاۋدا تانىسىپ، كەزدەسكەنىمىزگە وتە قۋانىشتىمىن. ويتكەنى، مۇنداعى ءاربىر قىز - سۇلۋ، جان-جاقتى جانە ءاربىرى جەڭىسكە لايىق.

اننا زورينا: ارينە ارامىزدا باسەكەلەستىك بار. ءبىراق ول باقتالاستىق ەمەس، تازا باسەكە. دايىندىق كەزىندە ءبىر-ءبىرىمىزدى قولدايمىز، بىرەۋ قيىندىققا تاپ بولسا - كومەكتەسەمىز. ايتالىق، كاريما بىزگە ۇنەمى پسيحولوگيا بويىنشا قۇندى كەڭەستەرىن بەرەدى. ءاليما دۇرىس تاماقتانۋ جولدارىن تۇسىندىرەدى. مەن ءبيدى جاقسى بىلگەندىكتەن، كەي قوزعالىستار بويىنشا جاردەم كورسەتە الامىن. ياعني ءاربىرىمىز ءوزىمىز جاقسى بىلەتىن سالالار بويىنشا پايدالى دۇنيەلەرمەن بولىسەمىز.

Конкурс красоты
Фото: Фото: Солтан Жексенбеков/Kazinform

 

Kazinform: بىرنەشە جىل بۇرىن اكتەر ءانۋار نۇرپەيىسوۆ «قازاقستان ارۋى» بايقاۋىنىڭ قاتىسۋشىلارىن كىتاپتى از وقيدى دەپ سىناعان بولاتىن. سىزدەر قازىر نە وقىپ جۇرسىزدەر جانە وقىرماندارعا قانداي كىتاپ وقۋعا كەڭەس بەرەسىزدەر؟

اننا زورينا: قازىر ەۆگەني زامياتيننىڭ «ءبىز» كىتابىن وقىپ جاتىرمىن. بۇل انتيۋتوپيا جانرىنداعى شىعارما، كىتاپتى جانرىنا قاراپ تاڭدامايمىن. سيپاتتاماسى ۇناسا جەتكىلىكتى، اشىپ وقي باستايمىن. نەگىزىنەن، كلاسسيكالىق، شەتەلدىك، قازاق جانە ورىس ادەبيەتتەرىن ءسۇيىپ وقيمىن.

كاريما ءبىرىمجانوۆا: مەن مۇندا ءمىنسىز بولىپ كورىنگىم كەلمەيدى، مەكتەپ كەزىندە كىتاپ وقۋدى مۇلدەم ۇناتپادىم. تەك ۋنيۆەرسيتەتتە پسيحولوگيانى زەرتتەي باستاعاندا، ساباقتان تىس كىتاپتارعا قىزىعۋشىلىعىم ارتا باستادى. 2020-2021 -جىلداردان باستاپ تۇراقتى كىتاپ وقىرمانىمىن. قازىر سۇيىكتى كىتاپتارىمنىڭ ۇلكەن ءتىزىمى بار، ونى الەۋمەتتىك جەلىدە ءوزىم سەكىلدى جاس قىزدارعا ۇسىنىپ وتىرامىن. وقىعان سوڭعى كىتابىم - «بەگۋشايا س ۆولكامي» دەپ اتالادى. وندا ايەل ارحەتيپتەرى، ايەل ەنەرگياسى جالپى الەمگە، ادامدار اراسىنداعى قارىم-قاتىناسقا قالاي اسەر ەتەتىنى جازىلعان.

ايىم نۇرداۋلەتوۆا: قازىر يساي كالاشنيكوۆتىڭ «جەستوكي ۆەك» كىتابىن وقىپ جاتىرمىن. تاريحتى وتە جاقسى كورەمىن، اسىرەسە مەكتەپ كەزىنەن بەرى ءوز حالقىمنىڭ تاريحىنا وتە قىزىعامىن. بۇل كىتاپتا شىڭعىس حان تۋرالى، ونىڭ جورىقتارى تۋرالى جازىلعان جانە ءدال قازىرگى ۋاقىتتا وسى شىعارما ماعان شابىت سىيلادى.

Kazinform: "استانا ارۋى" اتاعى سىزدەرگە قانداي مۇمكىندىك سىيلايدى؟

ايىم نۇرداۋلەتوۆا: مەنىڭ ويىمشا، بۇل اتاق ءبىرىنشى كەزەكتە قازاق حالقى مەن قازاق ايەلدەرى الدىندا ۇلكەن جاۋاپكەرشىلىك جۇكتەيدى. سونداي-اق، «استانا ارۋى» مارتەبەسىن سۇلۋلىق پەن اقىل- ويدىڭ قاتار كورسەتكىشى دەۋگە بولادى. بۇل مەن جاساعىم كەلەتىن قايىرىمدىلىق جوبالارىنا دا ۇلكەن جول اشار ەدى. وسى اتاققا يە بولسام، مەن ءوز حالقىما پايدا اكەلىپ، قايىرىمدىلىق جاساعىم كەلەدى.

ۆالەريا انتونوۆا: شىن مانىندە، مەن ءۇشىن "استانا ارۋىندا" جەڭىسكە جەتۋ - ماڭىزدى الەۋمەتتىك تاقىرىپتاردى كوتەرۋگە ۇلكەن مۇمكىندىك بولار ەدى. تۇرمىستىق زورلىق-زومبىلىق، جانۋارلارعا قاتىستى زورلىق-زومبىلىق، ەكولوگيالىق ماسەلەلەر تاقىرىبىن جوعارى دەڭگەيدە قوزعاي الار ەدىم. ءبىز قاراپايىم ورتادا باسقا ادامدارعا، مەملەكەتكە ەش اسەر ەتپەيمىز، تەڭىزگە تامعان تامشى سياقتىمىز. ال قانداي دا ءبىر اتاق-داڭق بولسا، ادامدار ءسىزدى تىڭداي باستايدى، بايقاي باستايدى، ۇنىڭىزگە قۇلاق اسادى.

Конкурс красоты
Фото: Фото: Солтан Жексенбеков/Kazinform

 

Kazinform: «قازاقستان ارۋى» بايقاۋىنا جولداما الىپ، جەڭىسكە جەتكەن جاعدايدا، باس جۇلدە - 5 ميلليون تەڭگەنى قالاي جۇمسار ەدىڭىزدەر؟

الينا بايعوجينا: كونكۋرستا جەڭىسكە جەتكەن جاعدايدا، مەن قوناق ءۇي ىسىمەن اينالىسار ەدىم. قوناقۇيدىڭ نەمەسە مەيرامحانانىڭ بولاشاق دامۋىنا ينۆەستيتسيا سالىپ، اشىلۋىن جوسپارلار ەدىم.

كاريما ءبىرىمجانوۆا: مەن بۇل قاراجاتتى اتا-اناما بەرەر ەدىم، ولاردىڭ تاربيەسى ءۇشىن، ءومىرى ءۇشىن ريزاشىلىق قانا ەمەس، ولاردىڭ سالىپ جاتقان مەكتەبىنە ۇلەس قوسار ەدىم. وتكەن جىلى ولار باستاۋىش سىنىپ مەكتەبىن سالدى، بيىل ورتا مەكتەپ قۇرىلىسىمەن اينالىسۋدا. بارىنشا دەمەۋشىلەردى ىزدەيدى، بولماسا ءوز قاراجاتىنا سالادى. سوندىقتان بۇل اقشانى وتباسىمنىڭ ىسىنە جۇمسار ەدىم.

ءاليما تالعاتوۆا: اقشانىڭ ءبىر بولىگىن قازاقستان حالقىن تاماقتاندىرۋ، ساۋىقتىرۋ تۋرالى قايىرىمدىلىق جوبامدى اشۋدا جۇمسايتىن ەدىم. ال ەكىنشى بولىگى اناما بەرەر ەدىم، ويتكەنى ول قازىر جابىق كيىنەتىن ءدىن جولىنداعى قىزدارعا ارنالعان ساپالى كيىم برەندىن اشۋمەن اينالىسۋدا. بۇل دا ءبىزدىڭ قوعام ءۇشىن وتە ماڭىزدى باعىت دەپ ويلايمىن.

ءامينا تانابايەۆا: ارينە، وسى كۇنگە دەيىن قوماقتى اقشا ۇتىپ السام، قايدا جۇمسار ەدىم دەگەن سۇراق مەنى دە مازالاعان. مەن جۇلدە قورىن ءۇش بولىككە بولەر ەدىم. ەڭ الدىمەن ءوزىمدى دامىتۋعا، ءوز ءبىلىمىمىدى ارتتىرۋعا ينۆەستيتسيا قۇيۋىم كەرەك. ەكىنشىدەن، كاريما ايتقانداي، اتا- اناعا قولداۋ كورسەتۋ دە وتە ماڭىزدى. ءۇشىنشى ءبولىم - قايىرىمدىلىققا جۇمسالۋى كەرەك.

ايتا كەتەيىك، 12-قازاندا وتەتىن «استانا ارۋى-2023» سۇلۋلىق بايقاۋىنىڭ جەڭىمپازدارىنا قوماقتى اقشالاي جۇلدە بەرىلمەيدى. ولارعا «قازاقستان ارۋى» بايقاۋىنا جولداما مەن «تۇران» ۋنيۆەرسيتەتىنىڭ تەگىن وقۋ گرانتتارى سىيعا بەرىلەدى.

بيىلدان باستاپ «استانا ارۋى» قالالىق سۇلۋلىق بايقاۋىن وتكىزۋدى «قازاقستان ارۋى» بايقاۋىنىڭ ۇيىمداستىرۋ كوميتەتى ءوز موينىنا العان بولاتىن. ونداعى باستى ماقسات - ەلورداداعى سۇلۋلىق بايقاۋىنىڭ ساپاسىن ارتتىرۋ جانە الداعى بايقاۋلارعا لايىقتى بويجەتكەندەردى دايىنداۋ.

قازىلار القاسىنىڭ قۇرامىندا «قازاقستان ارۋى» ۇلتتىق سۇلۋلىق بايقاۋىنىڭ پرەزيدەنتى ايداي يسايەۆا، وتكەن ماۋسىمنىڭ جەڭىمپازى توميريس كاكىموۆا، بلوگەر جانە تەلەجۇرگىزۋشى جۇلدىز ابدىكارىموۆا، ءانشى ءارى قازاقستاننىڭ ەڭبەك سىڭىرگەن قايراتكەرى سۆەتلانا ايتبايەۆا جانە ە. راحماديەۆ اتىنداعى مەملەكەتتىك اكادەميالىق فيلارمونياسىنىڭ ديرەكتورى ەرلان داكەنوۆ بار.

астана аруы
Фото: Фото: Солтан Жексенбеков/"ҚазАқпарат" ХАА

 

اۆتور

ايجان سەرىكجان قىزى

سوڭعى جاڭالىقتار