سەۋل سوتى يۋن سوك ەلدى قاماۋعا الۋ تۋرالى وردەر شىعاردى
استانا. KAZINFORM - وڭتۇستىك كورەيا سوتى 14-جەلتوقساندا پارلامەنتتە يمپيچمەنت جاريالاۋ ناتيجەسىندە وكىلەتتىگى توقتاتىلعان كورەيا رەسپۋبليكاسىنىڭ پرەزيدەنتى يۋن سوك ەلدى تۇتقىنداۋعا جانە ءتىنتۋ جۇرگىزۋگە وردەر بەردى.
بۇل تۋرالى جوعارى لاۋازىمدى تۇلعالارعا قاتىستى سىبايلاس جەمقورلىققا قارسى تەرگەۋ باسقارماسى حابارلادى، دەپ جازدى ت ا س س اقپارات اگەنتتىگى.
- باسقارما 31- كۇنى يۋن سوك ەلدى قاماۋعا الۋ جانە ءتىنتۋ جۇرگىزۋگە وردەر بەرىلگەنىن راستايدى، - دەپ حابارلادى ۆەدومستۆودان.
الايدا وندا كەيىنگى ارەكەتتەر تۋرالى شەشىم قابىلدانباعانىن قوستى.
- ودان ءارى كەستە انىقتالعان جوق، - دەلىنگەن ۆەدومستۆو حابارلاماسىندا.
Yonhap اقپارات اگەنتتىگى باسقارمانىڭ «وردەردى جاقىن ارادا پايدالانادى» دەپ شامالاپ وتىر. بۇل - ەل تاريحىندا قازىرگى پرەزيدەنتتى قاماۋعا الۋ وردەرى شىعارىلعان العاشقى جاعداي. يۋن سوك ەلدىڭ وكىلەتتىگى كونستيتۋتسيالىق سوت شەشىمى شىققانعا دەيىن توقتاتىلدى.
30- جەلتوقساندا بىرىككەن تەرگەۋ توبى يۋن سوك ەلدى تۇتقىنداۋعا وردەر بەرۋ ءۇشىن سەۋلدەگى سوتقا جۇگىندى. بىرىككەن تەرگەۋ توبىنىڭ قۇرامىنا پرەزيدەنتتىڭ اسكەري جاعدايدى ەنگىزۋىنە قاتىستى ءمان- جايدى زەرتتەپ جاتقان باسقارما، پوليسيا جانە قورعانىس مينيسترلىگىنىڭ وكىلدەرى بار.
