پەسكوۆ: رەسەي دەلەگاتسياسى 15- مامىردا ىستامبۇلدا ۋكراينالىق وكىلدەردى كۇتەدى
استانا. KAZINFORM - رەسەي دەلەگاتسياسى بەيسەنبى كۇنى ىستامبۇلدا ۋكراين تاراپىنىڭ كەلۋىن كۇتەتىنىن مالىمدەدى ر ف پرەزيدەنتىنىڭ باسپا ءسوز حاتشىسى دميتري پەسكوۆ ۆگترك جۋرناليسى پاۆەل زارۋبيننىڭ سۇراعىنا جاۋاپ بەرە وتىرىپ، دەپ حابارلايدى ت ا س س.
- ءبىز تەك پرەزيدەنت [ر ف ۆلاديمير] پۋتيننىڭ مالىمدەمەلەرىن نەگىزگە الامىز. ول دەلەگاتسيالار اراسىنداعى كەلىسسوزدەردى بەيسەنبى كۇنى ىستامبۇلدا وتكىزۋدى ۇسىندى. ءبىزدىڭ دەلەگاتسيا سوندا بولادى جانە ۋكراين تاراپىن كۇتەدى، - دەدى پەسكوۆ زەلەنسكيدىڭ رەسەي باسشىسىمەن كەزدەسۋگە نيەت بىلدىرۋىنە قاتىستى زارۋبيننىڭ سۇراعىنا جاۋاپ بەرە وتىرىپ.
سونداي-اق پەسكوۆ رەسەي دەلەگاتسياسىنىڭ قۇرامى پرەزيدەنتتىڭ ءتيىستى نۇسقاۋى بولعان كەزدە عانا جاريالاناتىنىن ناقتىلادى.
بۇعان دەيىن زەلەنسكي 15-مامىردا تۇركيادا بولاتىنىن، وندا تۇركيا پرەزيدەنتى رەجەپ تايپ ەردوعانمەن كەزدەسۋ جوسپارلانعانىن راستاعان. ول سونداي-اق انكارادا نەمەسە ىستامبۇلدا پۋتينمەن كەزدەسۋگە ءۇمىت ارتىپ وتىرعانىن ايتقان.
