سۋديانى تىڭداماعان بيشىمبايەۆتىڭ ادۆوكاتىنا قاتىستى سوت شەشىمى شىقتى
استانا. KAZINFORM - ەكس-شەنەۋنىك قۋاندىق بيشىمبايەۆقا قاتىستى قىلمىستىق ءىستى قاراۋ بارىسىندا ءبىرىنشى ساتىداعى سوت ونىڭ ادۆوكاتى ەرلان عازىمجانوۆقا جەكە قاۋلى شىعاردى. بۇل تۋرالى ەلوردا سوتىنىڭ باسپا ءسوز قىزمەتى حابارلادى.
ەسكە سالا كەتسەك، بۇرىنعى مينيستر قۋاندىق بيشىمبايەۆتىڭ سوت وتىرىسىندا ونىڭ ادۆوكاتى ەرلان عازىمجانوۆ سۋديا تاراپىنان بىرنەشە رەت ەسكەرتۋ العان ەدى.
«ادۆوكات ەرلان عازىمجانوۆ ءىس جۇرگىزۋ كودەكسىنىڭ تالاپتارىن بىلە وتىرىپ، سۋديا ايتقان تالاپتارعا باعىنباي، سوت وتىرىسى زالىندا ءتارتىپتى بۇزدى. وسىلايشا، ادۆوكات سۋدياعا قۇرمەتسىزدىك تانىتىپ، سوتقا نەمقۇرايلى قارادى. ادۆوكاتتىڭ اتىنان تۇسكەن جەكە شاعىمنىڭ دالەلدەرى راستالمادى، ويتكەنى ءتوراعالىق ەتۋشى سۋديا ق ر قىلمىستىق ءىس جۇرگىزۋ كودەكسى 57-بابىنىڭ تالاپتارىن ساقتاي وتىرىپ سوت وتىرىسىن وتكىزدى»، - دەلىنگەن حابارلامادا.
وسىلايشا، استانا قالالىق سوتى قىلمىستىق ىستەر جونىندەگى سوت القاسىنىڭ 2024 -جىلعى 28-مامىرداعى قاۋلىسىمەن ادۆوكات ە. عازىمجانوۆقا قاتىستى ءبىرىنشى ساتىداعى سوتتىڭ شەشىمى وزگەرىسسىز قالدىرىلدى، ياعني ادۆوكاتتىڭ جەكە شاعىمى قاناعاتتاندىرىلمادى.
سونداي-اق، ەلوردا سوتى اتالعان اكتىنىڭ زاڭدى كۇشىنە ەنگەنىن ايتىپ وتىر.
ايتا كەتەيىك، بۇعان دەيىن ق. بيشىمبايەۆقا قاتىستى قىلمىستىق ءىس بويىنشا ەلوردا سوتىنا اپەللياتسيالىق شاعىمنىڭ تۇسكەنىن حابارلاعان ەدىك.
