سۋدان الەمدەگى ەڭ اۋىر اشارشىلىققا تاپ بولدى

Судан
Фото: УКГВ/А.Хир

استانا. KAZINFORM - ب ۇ ۇ-نىڭ گۋمانيتارلىق اگەنتتىكتەرى سارسەنبى كۇنى سۋداندا 11 اي بۇرىن باستالعان اسكەري قاقتىعىس «الەمدەگى ەڭ اۋىر اشارشىلىقتى» تۋدىرۋى مۇمكىن ەكەنىن ەسكەرتتى، دەپ حابارلايدى ب ۇ ۇ جاڭالىقتار ورتالىعى.

ب ۇ ۇ دۇنيەجۇزىلىك ازىق-تۇلىك باعدارلاماسى (WFP) اتاپ وتكەندەي، ەل قازىردىڭ وزىندە ەل حالقىنىڭ ءماجبۇرلى قونىس اۋدارۋىن باستان كەشىپ وتىر. سۋدان ارمياسى مەن جەدەل ارەكەت ەتۋ كۇشتەرى (RRF) دەپ تانىمال توپ اراسىنداعى شايقاس سالدارىنان مىڭداعان ادام قازا تاۋىپ، سەگىز ميلليوننان استام سۋداندىق بوسقىنعا اينالعان.

ب ۇ ۇ بالالار قورىنىڭ (يۋنيسەف) حابارلاۋىنشا، قازىرگى كەزدە سۋدان 14 ميلليون بالانىڭ ءومىرىن قۇتقاراتىن كومەككە مۇقتاج بولىپ وتىر. گۋمانيتارلىق قىزمەتكەرلەر سونداي-اق ۇرىس توقتاماسا، قاقتىعىس سۋدان شەكاراسىنان اسىپ، بۇكىل ايماقتاعى قاۋىپسىزدىككە قاۋىپ توندىرەتىنىن ەسكەرتتى.

«جيىرما جىل بۇرىن دارفۋر الەمدەگى ەڭ اۋىر اشارشىلىقتى باستان كەشكەندە، الەم داعدارىسقا جاۋاپ بەرۋ ءۇشىن بىرىكتى. ءبىراق بۇگىندە سۋدان حالقى نازاردان تىس قالدى. ميلليونداعان ادامنىڭ ءومىرى مەن تۇتاس ءبىر ايماقتىڭ تىنىشتىعى مەن تۇراقتىلىعىنا قاۋىپ ءتونىپ تۇر»، - دەدى وڭتۇستىك سۋداننان كەلگەن WFP اتقارۋشى ديرەكتورى سيندي ماككەين.

قازىرگى ۋاقىتتا سۋدانداعى 18 ميلليون ادامعا ازىق-تۇلىك جەتپەي وتىر. دۇنيەجۇزىلىك ازىق-تۇلىك باعدارلاماسىنىڭ سوڭعى دەرەكتەرىنە سايكەس، ەل تۇرعىندارىنىڭ بەس پايىزدان ازى عانا تولىق تۇسكى نەمەسە كەشكى اس ىشۋگە مۇمكىندىگى بار.

سوڭعى جاڭالىقتار