ساياسات نۇربەك ق ح ر ءبىلىم ءمينيسترى حۋاي تسزينپەنمەن كەزدەستى

білім
Фото: Видеодан алынған кадр

استانا. KAZINFORM - قىتاي حالىق رەسپۋبليكاسىنىڭ پرەزيدەنتى شي جينپيڭنىڭ قازاقستانعا رەسمي ساپارى اياسىندا ق ر عىلىم جانە جوعارى ءبىلىم ءمينيسترى ساياسات نۇربەكتىڭ قىتاي حالىق رەسپۋبليكاسىنىڭ ءبىلىم ءمينيسترى حۋاي تسزينپەنمەن ەكىجاقتى كەزدەسۋى ءوتتى.

ساياسات نۇربەك ءوزى سوزىندە حۋاي تسزينپەندى ەكى ەل باسشىلارىنىڭ قاتىسۋىمەن Astana International University بازاسىندا بەيجىڭ ءتىل جانە مادەنيەت ۋنيۆەرسيتەتىنىڭ فيليالىنىڭ اشىلۋىمەن قۇتتىقتادى. سونداي-اق ل. گۋميليەۆ اتىنداعى ەۇۋ بازاسىندا لۋ باننىڭ ەكىنشى شەبەرحاناسىن اشىپ جاتقانى ءۇشىن العىسىن ءبىلدىردى.

كەزدەسۋ اياسىندا تاراپتار ەكى ەل اراسىندا ستۋدەنتتەردىڭ ءبىلىم الماسۋى، قازاقستان ازاماتتارى ءۇشىن قىتاي تاراپىنان بولىنەتىن گرانتتار سانىن ۇلعايتۋ تۋرالى ماسەلەلەردى تالقىلادى. سونداي-اق ەلىمىزدەگى قىتايدىڭ جەتەكشى جوعارى وقۋ ورىندارىنىڭ (CityU ،BLCU جانە جمپۋ) فيليالدارىنا گرانتتار (ستيپەنديالار) بولۋگە، ق ح ر جوعارى وقۋ ورىندارى جانىنداعى زەرتتەۋ جانە عىلىمي ورتالىقتاردا قازاقستاندىق عالىمداردىڭ (500 عالىم) عىلىمي تاعىلىمدامادان وتۋىنە جاردەمدەسۋ تۋرالى ماسەلەلەر كوتەرىلدى.

«بۇگىن ەكى جاقتى كەلىسسوزدەر بارىسىندا مەملەكەت باسشىسى قاسىم-جومارت كەمەل ۇلى توقايەۆ ەكى ەل اراسىندا عىلىم جانە ءبىلىم سالاسىنداعى ىنتىماقتاستىق تا نىعايىپ كەلە جاتقاندىعىن باسا اتاپ ءوتتى. بەيجىڭ ءتىل جانە مادەنيەت ۋنيۆەرسيتەتىنىڭ فيليالىنىڭ جانە ەكىنشى «لۋ بان شەبەرحاناسى» اشىلۋىنىڭ كۋاسى بولدىق. وقۋ ورىندارى جاقىن ارادا ءوز ناتيجەسىن كورسەتەدى دەپ ۇمىتتەنەمىز. بۇگىن قازاقستان ءۇشىن دە، قىتاي ءۇشىن دە ايتۋلى كۇن دەپ ايتۋعا بولادى»، - دەدى ساياسات نۇربەك.

قىتاي حالىق رەسپۋبليكاسىنىڭ ءبىلىم ءمينيسترى حۋاي تسزينپەن ءوز كەزەگىندە قىتايدىڭ جوعارى وقۋ ورىندارىندا ءبىلىم الاتىن قازاقستاندىق جاستاردىڭ سانى، جوعارى وقۋ ورىندارى فيليالدارىنىڭ اشىلۋى، عىلىم سالاسىنداعى بىرلەسكەن جوبالار ەكى ەل ىنتىماقتاستىعىنىڭ نىعايۋىنىڭ نىشانى ەكەندىگىن اتاپ ءوتتى.

سوڭعى جاڭالىقتار