ساياسات نۇربەك جوعارى ءبىلىم سالاسىنداعى 2 رەكوردتى اتادى

استانا. KAZINFORM - بيىل وقۋ جىلىندا ەلىمىزگە 31500 شەتەلدىك ستۋدەنت كەلدى. بۇل تۋرالى استانا حالىقارالىق فورۋمى اياسىندا عىلىم جانە جوعارى ءبىلىم ءمينيسترى ساياسات نۇربەك ايتتى.

- سوڭعى 3 جىلدىڭ ىشىندە ەلىمىزدە ەڭ مىقتى 38 شەتەلدىك ۋنيۆەرسيتەتتىڭ فيليالى اشىلدى. وسى جۇمىستىڭ ارقاسىندا 2 تاريحي رەكورد بولدى. بيىل وقۋ جىلىندا قازاقستانعا 31500 شەتەلدىك ستۋدەنت كەلدى. بۇل - تاريحي رەكورد. ونىڭ ۇستىنە تاريحىمىزدا تۇڭعىش رەت ت م د ەلدەرىنەن ستۋدەنتتەر كوبىرەك كەلىپ وتىر. رەسەيدەن 3 مىڭنان استام، قىتايدان 2 مىڭنان استام، پاكىستان مەن ءۇندىستاننان 12500، موڭعوليا، تۇركيا، ازەربايجان، نيگەريا، وڭتۇستىك افريكادان ستۋدەنتتەر كەلدى. كوشى-قون سالدوسى اۋىسىپ جاتىر، - دەدى مينيستر.

وسى ورايدا ول شەتەلدە ءبىلىم الۋعا كەتەتىن قازاقستان جاستارىنىڭ دا كوپ ەكەنىن جاسىرعان جوق.

- ءبىراق، شەتەلدىك ۋنيۆەرسيتەتتەردىڭ فيليالدارىن اشۋ ارقىلى وسى كوشى-قوندى كەرى باعىتتاۋ ماقساتىن قويدىق. قازىردىڭ وزىندە 38 فيليالدا 10 مىڭنان استام ستۋدەنت ءبىلىم الىپ جاتىر. دەمەك، قازاقستان تالاپكەرلەرگە ەڭ مىقتى بريتاندىق، امەريكالىق، نەمىس، فرانسۋز، كارىس، قىتاي سىندى ەڭ دامىعان ەلدەردىڭ ءبىلىمىن الۋعا مۇمكىندىك بەرەدى، - دەدى ساياسات نۇربەك.

ايتا كەتەلىك ساياسات نۇربەك گارۆاردتا وقىپ جاتقان وتانداستارىمىز جايىندا پىكىر بىلدىرگەن ەدى.

اۆتور

مارلان جيەمباي