ساۋساق تاڭباسى قايدا ساقتالىپ، قانداي جاعدايدا قولدانىلادى

ىشكى ىستەر مينيسترلىگى ادامداردان قۇجاتتار ءۇشىن ساۋساق ءىزىن الۋعا قاتىستى تاعى دا تۇسىنىكتەمە بەردى، دەپ حابارلايدى قازاقپارات ءتىلشىسى.

қоожаев
Фото: Фото: ҚР Үкіметі

«2024-جىلدىڭ 1- قاڭتارىنان باستاپ ساۋساق ءىزىن الۋ ەنگىزىلمەيدى. ساۋساق ءىزىن تىركەۋ تۋرالى زاڭ 2016-جىلى قابىلداندى. ايتا كەتەيىن، بۇل قازاقستاننىڭ جاڭالىعى ەمەس، مۇنداي تىركەۋ جۇيەسى كوپتەگەن مەملەكەتتە، سونىڭ ىشىندە جەتەكشى ەلدەردە بار. مىسالى، تۇركيا، وزبەكستان ساۋساق ءىزىن الۋدى باياعىدا ەنگىزگەن. ساۋساق ءىزىن الۋدى ەنگىزۋدەگى ماقسات - جەكە باسىمىزدى كۋالاندىراتىن قۇجاتتارعا قوسىمشا بيومەتريالىق قورعاۋدى ەنگىزۋ»، - دەدى ىشكى ىستەر ءمينيسترىنىڭ ءبىرىنشى ورىنباسارى مارات قوجايەۆ ۇكىمەت وتىرىسىنان كەيىن وتكەن باسپا ءسوز ءماسليحاتىندا.

ءبىرىنشى ۆيتسە-ءمينيستردىڭ ايتۋىنشا، بۇگىندە ساۋساق ءىزىنىڭ ورنىنا سيفرلىق فوتوسۋرەت ەنگىزىلگەن.

«كەلەسى كەزەڭ قۇجاتتارعا ادامداردىڭ ساۋساق ءىزىن ەنگىزۋ. كوپشىلىكتى قىزىقتىراتىن ساۋساق ىزدەرى كودتالعان بەلگىلەر تۇرىندە ەنگىزىلەدى. ساۋساق ىزدەرى كەز كەلگەن ماقساتقا قولدانىلمايدى جانە ول ارنايى جۇيەدە ساقتالادى. ساۋساقتىڭ ءىزى قاي ادامعا تيەسىلى ەكەنىن انىقتاۋعا مۇمكىندىك بەرەتىن ارنايى يدەنتيفيكاتور قاجەت بولعان جاعدايدا عانا قولدانىلادى»، - دەيدى ول.

ەسكە سالساق، بۇعان دەيىن 2024-جىلدىڭ 1- قاڭتارىنان باستاپ پاسپورت پەن جەكە كۋالىكتى راسىمدەۋ كەزىندە ازاماتتاردان ساۋساق ءىزى الىناتىنى تۋرالى حابارلاعان ەدىك.

سوڭعى جاڭالىقتار