ساۋساق ءىزىن تاپسىرۋعا مىندەتتەۋ: جەكە مالىمەت قاۋىپسىزدىگىنە كەپىل بار ما
مىندەتتى داكتيلوسكوپيالىق تىركەۋدىڭ تارتىپتەرىن تۇسىندىرگەن كوشى- قون قىزمەتى كوميتەتىنىڭ اعا ينسپەكتورى نۇرجان جانابايەۆ ازاماتتاردىڭ جەكە دەرەكتەرى قالاي قورعالاتىنىن ايتتى، دەپ حابارلايدى قازاقپارات.
«ساۋساق ىزدەرىن ساقتاۋ قاۋىپسىزدىگىنەن جانە جۇيەدەن دەربەس دەرەكتەردىڭ جاريا بولىپ كەتۋىنەن قورقاتىندار ءۇشىن حابارلايمىز - ساۋساق ءىزى تۋرالى اقپارات مەملەكەت كەپىلدىك بەرەتىن قورعاۋعا جاتادى. داكتيلوسكوپيالىق تىركەۋدەن وتكەن قازاقستان ازاماتتارىنىڭ اقپاراتى دەرەكتەر بازاسىندا ساۋساق ىزدەرىنىڭ تسيفرلىق مودەلى مەن بىرەگەي يدەنتيفيكاتور رەتىندە كورسەتىلەدى. وندا تەگى، اتى، اكەسىنىڭ اتى جانە جەكە سايكەستەندىرۋ ءنومىرى (ج س ن) سياقتى دەربەس دەرەكتەر جوق»، - دەپ ءتۇسىندىردى نۇرجان جانابايەۆ.
ءى ءى م وكىلى ءمالىم ەتكەندەي، قازىر ۋاكىلەتتى ورگان جۇيەنىڭ اقپاراتتىق قاۋىپسىزدىك تالاپتارىنا سايكەستىگىن انىقتاۋ ءۇشىن سىناق جۇرگىزىپ جاتىر.
ەسكە سالايىق، كەلەر جىلدان باستاپ جەكە كۋالىك پەن پاسپورت الاتىن قازاقستاندىقتار ساۋساق ءىزىن تاپسىرۋعا مىندەتتەلەدى. ودان باس تارتقان جاعدايدا ايىپپۇل سالىنادى.
