ۇساق بۇزاقىلىق ءۇشىن جازا كۇشەيتىلەدى
استانا. قازاقپارات - 2025 -جىلدىڭ 1- قىركۇيەگىنەن ۇساق بۇزاقىلىق ءۇشىن جازا كۇشەيتىلەدى. بۇل تۋرالى سەنات دەپۋتتارىنىڭ ساۋالىنا پرەمەر-مينيستر ولجاس بەكتەنوۆتىڭ جاۋابىندا ايتىلعان.
- 2025 -جىلعى 10-قاڭتاردا «اكىمشىلىك قۇقىق بۇزۋشىلىق تۋرالى كودەكسكە وزگەرىستەر مەن تولىقتىرۋلار ەنگىزۋ تۋرالى» زاڭ (بۇدان ءارى - ا ق ب ت ك) قابىلداندى. ا ق ب ت ك قوعامدىق جۇمىستار ينستيتۋتىن ەنگىزەتىن 49-1، 49-2 جانە 914-1-باپتارمەن تولىقتىرىلدى. اتالعان نورمالار 2025 -جىلعى 1- قىركۇيەكتەن باستاپ كۇشىنە ەنەدى، - دەدى ۇكىمەت باسشىسى.
سونىمەن قاتار، ول ۇساق بۇزاقىلىق ءۇشىن سانكتسيالار (ا ق ب ت ك- ءنىڭ 434-بابى) كۇشەيتىلگەنىن اتاپ وتەدى. ناقتى اتقاندا، اتالعان باپتىڭ:
- 1-بولىگى بويىنشا: 20 ا ە ك (1 ا ە ك 3932 تەڭگە) مولشەرىندە ايىپپۇل نە 5 تەن 15 تاۋلىككە دەيىنگى مەرزىمگە قاماۋعا الۋ، سونداي- اق 20 دان 60 ساعاتقا دەيىنگى مىندەتتى قوعامدىق جۇمىستار كوزدەلگەن؛
- 2-بولىگى بويىنشا: 15 تەن 30 تاۋلىككە دەيىن قاماۋعا الۋ جانە 60 تان 100 ساعاتقا دەيىن قوعامدىق جۇمىستار سانكسياسى ەنگىزىلدى.
- وسىلايشا، بۇزاقىلىق ارەكەتتەر ءۇشىن جازانى قاتاڭداتۋ ماسەلەسى مۇددەلى مەملەكەتتىك ورگاندار تاراپىنان ۋاقتىلى قارالىپ، ءتيىستى شارالار قابىلدانىپ جاتقانىن جەتكىزەمىز، - دەدى ولجاس بەكتەنوۆ.
ەستەرىڭىزگە سالا كەتسەك، سەناتور گەننادي شيپوۆسكيح ەلىمىزدە بۇزاقىلىق ارەكەتتەر - مەكتەپتەردەگى اگرەسسيۆتى مىنەز-قۇلىقتان باستاپ، كوشەدەگى توبەلەستەر كوبەيىپ بارا جاتقانىنا الاڭداۋشىلىق تانىتىپ، ۇكىمەت باسشىسىنىڭ اتىنا دەپۋتاتتىق ساۋال جولداعان ەدى.
