سامات ءابىشتىڭ قايدا ەكەنى بەلگىلى بولدى
ۇلتتىق قاۋىپسىزدىك كوميتەتى ءتوراعاسىنىڭ ءبىرىنشى ورىنباسارى سامات ءابىشتىڭ قايدا ەكەنىن ايتتى.
«سامات ءابىش قازاقستاندا، ەشقايدا كەتپەۋ تۋرالى قولحات الىندى. تەرگەۋ امالدارى جۇرگىزىلىپ جاتىر»، - دەپ حابارلادى باس پروكۋراتۋرانىڭ باسپا ءسوز قىزمەتى.
ەسكە سالايىق، مۇنىڭ الدىندا باس پروكۋراتۋرانىڭ ارنايى پروكۋرورلارى ۇلتتىق قاۋىپسىزدىك كوميتەتى ءتوراعاسىنىڭ بۇرىنعى ءبىرىنشى ورىنباسارى سامات ابىشكە قاتىستى قاڭتار وقيعاسى كەزىندە بيلىك پەن لاۋازىمدىق وكىلەتتەرىن اسىرا پايدالانۋ فاكتىسى بويىنشا سوتقا دەيىنگى تەرگەۋ جۇرگىزىپ جاتقانىن حابارلاعان ەدىك.
ونىڭ الدىندا الماتىدا ءوتىپ جاتقان قاڭتار وقيعاسىنا قاتىستى سوتتا ۇ ق ك- ءنىڭ بۇرىنعى قىزمەتكەرى رۋسلان ىسقاقوۆ شۋلى مالىمدەمە جاسادى.
سوتتالۋشىنىڭ ايتۋىنشا، قاڭتار وقيعاسى كەزىندە ول سول كەزدە ۇلتتىق قاۋىپسىزدىك كوميتەتى باسشىسىنىڭ ءبىرىنشى ورىنباسارى قىزمەتىن اتقارعان سامات ءابىشتىڭ بۇيرىعىن ورىنداعان. رۋسلان ىسقاقوۆ بۇل كەزدە ۇ ق ك 5-دەپارتامەنتىنىڭ باستىعى بولعان.