ساۋد ارابياسى قاجىلىق كەزىندە مەككەگە كىرۋگە جاڭا شەكتەۋلەر ەنگىزدى
استانا. KAZINFORM - ساۋد ارابياسى 29-ساۋىردەن باستاپ قاجىلىق ماۋسىمىندا مەككە مەن مەدينەگە كىرۋگە قاتاڭ شەكتەۋ ەنگىزدى. بۇل تىيىم 10-ماۋسىمعا دەيىن، ياعني قاجىلىق اياقتالعانعا دەيىن جالعاسادى، دەپ جازادى Report.
ەندى قاسيەتتى ورىندارعا تەك ارنايى قاجىلىق ۆيزاسى بار ادامدار عانا كىرە الادى. ەلدىڭ ىشكى ىستەر مينيسترلىگى حابارلاعانداي، رۇقساتسىز قاجىلىق جاساۋعا تىرىسقاندارعا نەمەسە ۆيزانىڭ باسقا تۇرىمەن مەككەگە كىرمەك بولعاندارعا 20 مىڭ ساۋد ريالىنا (شامامەن 5,3 مىڭ ا ق ش دوللارى) دەيىن ايىپپۇل سالىنادى.
سونىمەن قاتار رۇقساتسىز قاجىلىق جاساۋعا كومەكتەسكەن نەمەسە ونداي ادامدارعا ۆيزا راسىمدەگەندەرگە 100 مىڭ ريالعا دەيىن (26 مىڭ ا ق ش دوللارى) ايىپپۇل قاراستىرىلعان.
مەككەگە زاڭسىز كىرمەك بولعان شەتەلدىكتەر ەلدەن دەپورتاتسيالانىپ، ساۋد ارابياسىنا 10 جىلعا دەيىن كىرۋگە تىيىم سالىنادى. ال قاجىلىق رۇقساتى جوق ادامداردى مەككەگە جەتكىزگەن كولىكتەر تاركىلەنىپ، يەلەرى سوتقا تارتىلادى.
تۋريزم مينيسترلىگى قاجىلىق ماۋسىمىندا مەككەدەگى قوناق ۇيلەر مەن جاتىن ورىندارعا قاجىلىق رۇقساتى جوق ادامداردى ورنالاستىرۋعا قاتاڭ تىيىم سالىنعانىن مالىمدەدى.
ايتا كەتەيىك، ق ر ءى ءى م تۋرفيرمالار ارقىلى ۇمرا مەن قاجىلىققا بارۋ كەزىندە قالاي الاياقتىقتىڭ الدىن الۋعا بولاتىنىن ايتىپ بەردى.
