ساپالى ءونىم، تومەن باعا: اۋىل شارۋاشىلىعى جارمەڭكەسى استانالىقتاردى نەسىمەن تاڭعالدىردى

استانا. KAZINFORM - استانادا كەزەكتى اۋىل شارۋاشىلىعى جارمەڭكەسى ءوتتى. بۇل جولى ەلورداعا اباي جانە اتىراۋ وبلىستارىنىڭ شارۋالارى كەلىپ، جالپى كولەمى 400 تونناعا جۋىق ءونىم ۇسىندى، دەپ حابارلايدى قالا اكىمدىگىنىڭ رەسمي سايتى.

ساۋدا سورەلەرىندە 140 توننا ەت جانە ەت ونىمدەرى، 80 توننا كوكونىس پەن جەمىس-جيدەك، 70 توننا بال، 50 توننا باقشا ونىمدەرى، 25 توننا بالىق، 15 توننا ءسۇت ونىمدەرى جانە تاعى 20 تونناداي ءتۇرلى ءدامدى تاعامدار ساتىلىمعا شىعارىلدى.

«جىل سايىن كەلەمىز، الداعى ۋاقىتتا دا كەلەمىز. ءارتۇرلى بال ءتۇرىن الىپ كەلدىك. سۇرانىس جاقسى، جۇرتشىلىق الادى، كوڭىلدەرىنەن شىعىپ جاتىر. ءبىز وتە ريزامىز»، - دەدى اباي وبلىسىنىڭ بال ءوندىرۋشىسى رۋسلان رىباكين.

جارمەڭكە تاۋارلارى تىكەلەي وندىرۋشىلەردەن جەتكىزىلگەندىكتەن، باعالار دا قولجەتىمدى بولدى. ءىس-شاراعا اباي مەن اتىراۋ وبلىستارىنان كەلگەن شىعارماشىلىق ۇجىمدار ۇيىمداستىرعان كونسەرتتىك باعدارلاما مەرەكەلىك كوڭىل-كۇي سىيلادى.

ءىس-شارا «قازانات» يپپودرومى اۋماعىندا ءوتتى. قوناقتاردىڭ ىڭعايلىعى ءۇشىن №18، 37 جانە 303 اۆتوبۋستار ارنايى قاتىنادى.

كەلەسى جارمەڭكە 27-28 -قىركۇيەكتە وتەدى.

ايتا كەتەيىك، استاناداعى جارمەڭكەدە فەرمەرلەر 400 توننادان استام ءونىم ۇسىندى.