14:53, 13 - ءساۋىر 2024 | GMT +5
سۋ تاسقىنىنا بايلانىستى استانا حالىقارالىق فورۋمى وتپەيتىن بولدى
استانا. KAZINFORM - مەملەكەت باسشىسى قاسىم-جومارت توقايەۆ ەلىمىزدەگى جويقىن سۋ تاسقىنىنىڭ سالدارىن جويۋ جانە زارداپ شەككەن ازاماتتارعا كومەكتەسۋ ءۇشىن باسقا شارالارعا جۇمسالاتىن قارجىنى بارىنشا ۇنەمدەۋ قاجەت ەكەنىن ەسكەرە وتىرىپ، بيىلعى 13-14-ماۋسىمعا جوسپارلانعان استانا حالىقارالىق فورۋمىن وتكىزبەۋ تۋرالى شەشىم قابىلدادى، دەپ حابارلايدى اقوردانىڭ باسپا ءسوز قىزمەتى.
پرەزيدەنت فورۋمعا شاقىرىلعان قوناقتار بۇل شەشىمگە تۇسىنىستىكپەن قارايدى دەپ سەنەتىنىن جەتكىزدى.
استانا حالىقارالىق فورۋمى ءوز جۇمىسىن 2025-جىلى جالعاستىراتىن بولادى.
