سۋ تاسقىنى: ۇيىنە ورالعاندار سانى 40 مىڭعا جۋىقتادى

استانا. KAZINFORM - سۋ تاسقىنىمەن كۇرەستە ەل بويىنشا 17 مىڭنان استام ادام مەن 2 مىڭعا جۋىق تەحنيكا جۇمىلدىرىلدى. بۇل تۋرالى توتەنشە جاعدايلار مينيسترلىگىنىڭ رەسمي وكىلى اسقار ءشارىپ ءمالىم ەتتى.

«رەسپۋبليكا بويىنشا 7089 جەكە تۇرعىن ءۇي مەن 2834 اۋلا اۋماعىنان سۋدىڭ باعىتى بۇرىلىپ، سۋ سورىلدى، 39352 ادام ۇيىنە ورالدى جانە 6552 ادام ەۆاكۋاتسيالاۋ پۋنكتتەرىندە قالىپ وتىر. سۋ تاسقىنى باستاعالى 13,1 ميلليون استام تەكشە مەتر ەرىگەن قار سۋى سورىپ شىعارىلدى، 7,6 ميلليون استام قاپشىق جانە 1,5 ميلليون استام توننا ينەرتتى ماتەريال توسەلدى»، - دەدى اسقار ءشارىپ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

تاسقىن سۋمەن كۇرەسكە 17 مىڭنان استام ادام، 2 مىڭعا جۋىق تەحنيكا، 291 سۋ سورۋ قۇرالى، 203 ءجۇزۋ قۇرالى جانە 7 اۋە كەمەسى جۇمىلدىرىلدى.

«ءورت قاۋپى كەزەڭىنىڭ باستالۋىنا بايلانىستى ازاماتتاردى تابيعاتقا شىققاندا ءورت قاۋىپسىزدىگى تالاپتارىن ساقتاۋعا كەڭەس بەرەمىز»، - دەيدى ول.

اۆتور
داۋلەت ىزتىلەۋ