سۋ تاسقىنى: وڭىرلەردە 72029 ادام قاۋىپسىز جەرگە كوشىرىلدى

استانا. KAZINFORM - توتەنشە جاعدايلار مينيسترلىگى توتەنشە جاعدايلاردى جويۋ دەپارتامەنتىنىڭ باستىعى قاھارمان ورازالين ەلدەگى سۋ تاسقىنىنا قاتىستى سوڭعى جاعدايمەن (7-ءساۋىر) تانىستىردى.

«قازىرگى ۋاقىتتا اتىراۋ، اقتوبە، اقمولا، قوستاناي، ب ق و جانە س ق و-دا 3686 جەكە تۇرعىن ءۇي، 550 اۋلا اۋماعى جانە 1822 ساياجاي ۇيلەرىن سۋ استىندا قالدى. سۋ تاسقىنى باستالعالى بەرى 72029 ادام، ونىڭ ىشىندە 16078 بالا قاۋىپسىز جەرلەرگە جەتكىزىلدى. ۋاقىتشا ورنالاسۋ پۋنكتەرىندە 14368 ادام ونىڭ ىشىندە 7255 بالا ورنالاستىرىلدى. توتەنشە جاعدايلار مينيسترلىگى، قورعانىس مينيسترلىگى جانە ۇلتتىق ۇلان اۋە كەمەلەرى قۇتقارۋ جۇمىستارىن جالعاستىرۋدا»، - دەدى قاھارمان ورازالين ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

ونىڭ ايتۋىنشا، 7,5 ميلليون تەكشە مەتردەن استام قار سۋى سورىلىپ شىعارىلىپ، 952 مىڭنان استام قاپشىق جانە 976 مىڭ توننادان استام ينەرتتى ماتەريال توسەلدى.

«بۇگىنگى تاڭدا اۆاريالىق قۇتقارۋ جۇمىستارىنا 12445 ادام، 1300 گە جۋىق تەحنيكا جانە اۋە كەمەلەرى جۇمىلدىرىلدى. اتىراۋ، اقتوبە، قوستاناي، ب ق و س ق و جانە پاۆلودار وبلىسى رەسپۋبليكالىق شتابتىڭ باقىلاۋىندا»، - دەيدى ول.