سۋ تاسقىنى: ورال تۇرمەسىندەگى سوتتالۋشىلار ەلىمىزدىڭ باسقا وڭىرلەرىنە كوشىرىلدى
ورال. KAZINFORM - سۋ باسۋ قاۋپى تونۋىنە بايلانىستى ورال قالاسىنداعى تۇزەتۋ مەكەمەسىنەن جازاسىن وتەۋشىلەر كوشىرىلدى.
ب ق و قىلمىستىق-اتقارۋ جۇيەسى دەپارتامەنتىنىڭ باسپا ءسوز قىزمەتىنەن ءمالىم ەتكەندەي، جايىق وزەنىندە سۋ دەڭگەيىنىڭ كوتەرىلۋىنە بايلانىستى وسىنداي شەشىم قابىلدانعان.
«27-تۇزەتۋ مەكەمەسىندە جازاسىن وتەۋشىلەر قازاقستاننىڭ باسقا وڭىرلەرىنە ەۆاكۋاتسيالاندى. اتاپ ايتقاندا، اقتوبە، تاراز، شىمكەنت جانە قىزىلورداعا كوشىرىلدى» دەپ حابارلادى ۆەدومستۆودان.
سونىمەن قاتار تۇرعىندار جازاسىن وتەۋشىلەردىڭ كولوننامەن ەۆاكۋاتسيالانعانى جونىندەگى بەينەجازبانى الەۋمەتتىك جەلىگە جۇكتەپ، ءبولىسىپ جاتىر.
ەسكە سالا كەتەيىك، بۇدان بۇرىن ءماجىلىس دەپۋتاتى ەدىل جاڭبىرشين سۋ تاسقىنى كەزىندە بارىنە دايىن بولۋىمىز كەرەك ەكەنىن ايتقان ەدى.
سونداي-اق جايىق وزەنىندەگى سۋ دەڭگەيى ورالدا ءبىر تاۋلىكتە 13 سانتيمەترگە كوتەرىلدى.
ورال قالاسى اكىمدىگى قاۋىپتى اۋماق تۇرعىندارىنا كوشۋگە دايىن بولۋ كەرەكتىگىن ەسكەرتتى.
