سۋ تاسقىنى كەزىندە جولداردى امان ساقتاپ قالۋعا بولار ەدى - بەكتەنوۆ
استانا. KAZINFORM - ق ر پرەمەر-ءمينيسترى ولجاس بەكتەنوۆ قولدانىستاعى ينفراقۇرىلىمدى قايتا قاراپ، نورماتيۆتەردى جاڭارتۋدى تاپسىردى.
«سۋ تاسقىنى كەزەڭى قازىرگى قولدانىستاعى جولداردا مىندەتتى تۇردە سۋ وتكىزۋ قۇرىلىستارىنىڭ بولۋى قاجەتتىگىن كورسەتتى. قانشاما جولدار شايىلىپ كەتتى. جينالعان سۋدى وتكىزىپ جىبەرەتىن قۇبىرلار سالىنعاندا، جولداردىڭ كوپشىلىگىن ساقتاپ قالۋعا بولاتىن ەدى»، - دەدى مينيسترلەر كابينەتىنىڭ باسشىسى ۇكىمەت وتىرىسىندا.
وسىعان بايلانىستى پرەمەر كولىك مينيسترلىگى قولدانىستاعى ينفراقۇرىلىمدى قايتا قاراۋى كەرەگىن ايتتى.
«سونداي- اق، جەرگىلىكتى گيدروگەولوگيالىق جاعدايدى، جاڭا تەحنولوگيالاردى ەنگىزۋدى جانە جوبالىق شەشىمدەردى تسيفلاندىرۋدى ەسكەرە وتىرىپ، جاڭا جول- قۇرىلىستارىن جوبالاۋ كەزىندە نورماتيۆتەردى جاڭارتۋ قاجەت»، - دەدى ولجاس بەكتەنوۆ.
