س ءى م گارۆاردتاعى قازاقستاندىق ستۋدەنتتەرگە قاتىستى پىكىر ءبىلدىردى

استانا. KAZINFORM – س ءى م رەسمي وكىلى ايبەك سمادياروۆ ا ق ش- تا «بولاشاق» باعدارلاماسىمەن وقىپ جاتقان قازاقستاندىقتار ۆەدومستۆونىڭ ءجىتى باقىلاۋىندا ەكەنىن ايتتى.

- قانداي ءبىر جاعداي بولسا، ءبىز ولاردىڭ باسقا وقۋ ورنىندا ءبىلىم الۋىنا قامتاماسىز ەتەمىز. ءوز بەتىنشە ءبىلىم الىپ جاتقاندارعا كەلسەك، ولار قىزمەت الۋشى جانە قىزمەت كورسەتۋشى بولىپ ءوزارا كەلىسىم جاساسقان. ەگەر ونداي ستۋدەنتكە اتالعان ج و و ۇناماسا، ول كەلىسىمنەن باس تارتىپ، باسقا ەلگە كەلىپ وقۋىن جالعاستىرا الادى، - دەدى سمادياروۆ ۆەدومستۆودا وتكەن باسپا ءسوز ءماسليحاتىندا.

رەسمي وكىل، سونداي-اق، ءوز كەزەگىندە ۋنيۆەرسيتەت تە بىرجاقتى تارتىپپەن كەلىسىمدى ۇزە الاتىنىن اتاپ ءوتتى.

- بۇل ولاردىڭ جەكە كەلىسىمى سانالادى. ولاردىڭ قانداي كەلىسىم جاساسقانىن مەن كورگەن جوقپىن. ءوز قالتاسىنان اقشا تولەپ وتىر، سوعان ساي قىزمەت الۋى كەرەك. بۇل ارادا ءبىز كيلىگىپ، «نەگە بۇيتپەيسىڭدەر» دەي المايمىز، - دەدى ول.

ەسكە سالساق، 23- مامىر كۇنى ترامپ اكىمشىلىگى گارۆاردتى شەتەلدىك ستۋدەنتتەردى وقىتۋ قۇقىعىنان ايىردى.

وسىدان كەيىن عىلىم جانە جوعارى ءبىلىم ءمينيسترى ساياسات نۇربەك گارۆارد ۋنيۆەرسيتەتىندە ءبىلىم الىپ جاتقان وتانداستارىمىزدىڭ جاعدايىنا بايلانىستى پىكىر ءبىلدىردى.

30 -مامىردا اق ءۇي شەتەلدىكتەردىڭ گارۆاردتا وقۋىنا سالىنعان تىيىمدى الىپ تاستادى.

بۇگىن ا ق ش گارۆاردتىڭ شەتەلدىك ستۋدەنتتەرىنە ۆيزا بەرۋدى قالپىنا كەلتىرەدى.

اۆتور

ەربول جانات