پرەزيدەنت قازاق ءتىلىن ب ۇ ۇ رەسمي تىلدەرىمەن جالعايتىن سوزدىكتەر ازىرلەۋدى تاپسىردى

پرەزيدەنتتىڭ ايتۋىنشا، قازاق ءتىلىن حالىقارالىق تىلدەر قاۋىمداستىعىندا ءوز ورنى بار ءتىل رەتىندە دامىتۋىمىز كەرەك. انا ءتىلىمىزدىڭ وزگە تىلدەرمەن بايلانىسىن قامتاماسىز ەتۋ وتە ماڭىزدى.

- وسى ورايدا، «قازاق ءتىلى» قوعامى جۇزەگە اسىرعان Oxford Qazaq Dictionary جوباسىن جالعاستىرۋ كەرەك دەپ ەسەپتەيمىن. مەن ءوزىم بۇل سوزدىكتى قاراپ شىقتىم. جالپى، پايدالى ەڭبەك دەپ سانايمىن، - دەدى مەملەكەت باسشىسى «قازاق ءتىلى» قوعامىنىڭ 10- قۇرىلتايىندا.

سونىمەن بىرگە، قازاق ءتىلىن بىرىككەن ۇلتتار ۇيىمىنىڭ نەگىزگى رەسمي تىلدەرىمەن جالعايتىن ساپالى ەكى ءتىلدى جانە كوپ ءتىلدى سوزدىكتەر ازىرلەيتىن ۋاقىت كەلدى.

- قازاق- فرانسۋز، قازاق- يسپان، قازاق- قىتاي، قازاق- اراب، سونىمەن قاتار، قازاق- نەمىس، قازاق- يتاليان، قازاق- جاپون، قازاق- كورەي، قازاق- پارسى سوزدىكتەرىن جاساۋ قاجەت. قازاق- ورىس سوزدىگىن ۋاقىت تالابىنا ساي جاڭارتقان ءجون، - دەدى ول.

پرەزيدەنت سوزدىكتەردىڭ ەلەكتروندىق نۇسقاسىن ازىرلەپ، ۇنەمى تولىقتىرىپ وتىرۋ كەرەكتىگىن ايتتى.

- ءتىلدىڭ حالىقارالىق بايلانىسىن نىعايتۋ ارقىلى مادەني جانە عىلىمي ىقپالداستىققا جول اشىلادى، ەلىمىزدىڭ زياتكەرلىك الەۋەتى ارتادى، - دەدى ق. توقايەۆ.

ايتا كەتەيىك، مەملەكەت باسشىسى قاسىم-جومارت توقايەۆ حالىقارالىق «قازاق ءتىلى» قوعامىنىڭ 10- قۇرىلتايىندا ءسوز سويلەپ جاتىر.

پرەزيدەنت قازاق ءتىلىنىڭ ابىروي- بەدەلىن ارتتىرۋ ءۇشىن تاباندى جۇمىس ىستەۋ كەرەكتىگىن ايتۋدا.

جاڭا كونستيتۋتسيادا «تاۋەلسىزدىك» جانە «ەگەمەندىك» سوزدەرىن باس ارىپپەن جازىلاتىن بولدى.