پرەزيدەنتتىڭ 2 ميلليارد اعاش وتىرعىزۋ تاپسىرماسى: 2023-جىلعى جوسپار تەك 73 پايىز ورىندالعان
استانا. KAZINFORM – ق ر ەكولوگيا جانە تابيعي رەسۋرستار مينيسترلىگىنىڭ كەڭەيتىلگەن القا وتىرىسى بارىسىندا ۆيتسە- مينيستر نۇركەن شاربيەۆ ورمان شارۋاشىلىعى مەن جانۋارلار دۇنيەسىنىڭ دامۋى تۋرالى باياندادى.
استانا. KAZINFORM – ق ر ەكولوگيا جانە تابيعي رەسۋرستار مينيسترلىگىنىڭ كەڭەيتىلگەن القا وتىرىسى بارىسىندا ۆيتسە- مينيستر نۇركەن شاربيەۆ ورمان شارۋاشىلىعى مەن جانۋارلار دۇنيەسىنىڭ دامۋى تۋرالى باياندادى.
اتاپ ايتقاندا، مەملەكەت باسشىسىنىڭ مەملەكەتتىك ورمان قورى اۋماعىندا 2 ميلليارد اعاش وتىرعىزۋ جونىندەگى تاپسىرماسىن ورىنداۋ بويىنشا وتكەن جىلى 340 ميلليون دانا كوشەت وتىرعىزىلعانى اتاپ ءوتىلدى، بۇل جىلدىق جوسپاردىڭ %73- ىن قۇرايدى.
وتكەن جىلعى جوسپارلاردىڭ ورىندالماۋى قارجىلاندىرۋدىڭ جەتكىلىكسىزدىگى سالدارىنان ورمان تۇقىمدارىن جيناۋ جانە وتىرعىزۋ ماتەريالىن ءوسىرۋ بويىنشا 2021 -جىلعى جوسپارلى كورسەتكىشتەرگە قول جەتكىزبەۋدەن بولدى. بۇل ءوز كەزەگىندە وتكەن جىلى وتىرعىزۋ ماتەريالىمەن قامتاماسىز ەتىلۋىنە اسەر ەتتى.
وسى سەبەپتەرگە بايلانىستى بيىل جانە كەلەسى جىلى دا جوسپاردىڭ تولىق ورىندالماي قالۋ قاۋپى بار.
2024 جانە 2025-جىلدارى ورمان وتىرعىزۋ جۇمىستارىن ورىنداۋ ءۇشىن، 2023-جىلى جوسپاردىڭ ورىندالماۋىن ەسكەرە وتىرىپ، سەكسەۋىل ەگۋدى ەسەپتەمەگەندە 712 ميلليون دانا كوشەت قاجەت. شىن مانىندە، ورمان شارۋاشىلىقتارى ءوز پيتومنيكتەرىندە ەڭ كوپ دەگەندە 242 ميلليون دانا كوشەت وسىرە الادى. بۇل - قاجەتتى مولشەردىڭ %34- ى.
اۆتور
ەربول جانات
