پرەزيدەنت وڭتۇستىك افريكا رەسپۋبليكاسىن بوستاندىق كۇنىمەن قۇتتىقتادى
استانا. KAZINFORM - مەملەكەت باسشىسى وڭتۇستىك افريكا رەسپۋبليكاسىنىڭ پرەزيدەنتىنە قۇتتىقتاۋ جەدەلحاتىن جولدادى، دەپ حابارلايدى اقوردانىڭ باسپا ءسوز قىزمەتى.
قاسىم-جومارت توقايەۆ وڭتۇستىك افريكا رەسپۋبليكاسىنىڭ پرەزيدەنتى سيريل رامافوسا مەن ونىڭ وتانداستارىن ۇلتتىق مەيرام - بوستاندىق كۇنىمەن قۇتتىقتادى.
- مەملەكەت باسشىسى و ا ر-دىڭ ساياسي جانە الەۋمەتتىك- ەكونوميكالىق تۇرعىدان دامىعان ەل ەكەنىن، بۇگىندە حالىقارالىق قاۋىمداستىقتىڭ بەلسەندى مۇشەسىنە اينالعانىن اتاپ ءوتتى. سونداي-اق الداعى ۋاقىتتا ەكى ەل اراسىنداعى ىنتىماقتاستىقتىڭ جاڭا دەڭگەيگە كوتەرىلەتىنىنە سەنىم ءبىلدىردى. پرەزيدەنت جەدەلحاتتا سيريل رامافوسانىڭ جاۋاپتى مەملەكەتتىك قىزمەتىنە تولاعاي تابىس، ال وڭتۇستىك افريكا رەسپۋبليكاسىنىڭ حالقىنا باق- بەرەكە تىلەدى، - دەلىنگەن اقوردا تاراتقان اقپاراتتا.
