پرەزيدەنت توقايەۆ پەن پان گي مۋن تۇراقتى دامۋ ماسەلەلەرىن تالقىلادى
استانا. KAZINFORM - مەملەكەت باسشىسى جاھاندىق جاسىل دامۋ ينستيتۋتىنىڭ ءتوراعاسى پان گي مۋنمەن كەزدەستى، دەپ حابارلايدى اقوردانىڭ باسپا ءسوز قىزمەتى.
استانا حالىقارالىق فورۋمى الاڭىندا پرەزيدەنت قاسىم-جومارت توقايەۆ جاھاندىق جاسىل دامۋ ينستيتۋتىنىڭ ءتوراعاسى، ب ۇ ۇ-نىڭ سەگىزىنشى باس حاتشىسى پان گي مۋنمەن كەزدەسۋ وتكىزدى.
مەملەكەت باسشىسى ينستيتۋتقا ەلىمىزدىڭ كومىرتەگى بەيتاراپتىعى ستراتەگياسىن ازىرلەۋگە كورسەتكەن ساراپتامالىق قولداۋى مەن ارال تەڭىزىنىڭ قۇرعاعان تابانىن ەكولوگيالىق تۇرعىدان قالپىنا كەلتىرۋ باعدارلاماسىنا قاتىسقانى ءۇشىن العىس ايتتى.
پان گي مۋن قازاقستاننىڭ تۇراقتى دامۋ ماقساتتارىنا جۇمساعان كۇش-جىگەرىن قولدايتىنىن، جاھانداعى ەكولوگيالىق باستامالاردى ىسكە اسىرۋ ءۇشىن ىنتىماقتاستىقتى كەڭەيتۋدىڭ ماڭىزدى ەكەنىن اتاپ ءوتتى.
وسىعان دەيىن حابارلانعانداي، قازاقستان مەن اۋعانستان ساۋدا-ەكونوميكالىق ىنتىماقتاستىقتى نىعايتادى.
