پرەزيدەنت ت ر ك جانە ءۇندىستاننىڭ حابار تاراتۋ كورپوراتسياسى سەرىكتەستىكتى دامىتادى
استانا. KAZINFORM - ءۇندىستاننىڭ «Prasar Bharati» حابار تاراتۋ كورپوراتسياسىنىڭ باس ديرەكتورى گاۋراۆ دۆيۆەدي باستاعان دەلەگاتسيا ق ر پرەزيدەنتى تەلەراديوكەشەنىنىڭ كەڭسەسىنە كەلدى.
كەزدەسۋگە قاتىسۋشىلار پرەزيدەنت ت ر ك مەن «Prasar Bharati» اراسىنداعى كاسىبي بايلانىستى دامىتۋ بويىنشا بولاشاق ىنتىماقتاستىققا قاتىستى ماسەلەلەردى تالقىلادى. اڭگىمەلەسۋ بارىسىندا قازاقستان مەن ءۇندىستان اراسىنداعى ءوزارا تۋريستىك ساپارلاردان باستاپ، مەملەكەت كوشباسشىلارىنىڭ قارىم-قاتىناسىنا دەيىنگى بارلىق دەڭگەيدەگى ءوزارا ءىس-قيمىل جايى اتاپ ءوتىلدى.
ەكىجاقتى قاتىناستاردىڭ ماڭىزدى باعىتى – ب ا ق سالاسىنداعى ىنتىماقتاستىقتى دامىتۋ بولدى. ءۇندىستاننىڭ «Prasar Bharati» حابار تاراتۋ كورپوراتسياسىنىڭ دەلەگاتسياسى پرەزيدەنت ت ر ك- ىن 2025-جىلدىڭ مامىر ايىنىڭ باسىندا مۋمبايدا وتەتىن الداعى دۇنيەجۇزىلىك اۋديوۆيزۋالدى جانە ويىن-ساۋىق تەحنولوگيالارى سامميتىنە (WAVES) قاتىسۋعا شاقىردى. WAVES سامميتى مەديا يندۋستريا وكىلدەرىن بىرىكتىرەتىن ءۇندىستاننىڭ حالىقارالىق سەرىكتەستىكتەردى نىعايتۋ باستاماسى. سامميت قاتىسۋشىلارىنا مەديا سالاسىنىڭ زاماناۋي سىن-قاتەرلەرىن تالقىلاۋعا، وزىق تاجىريبەلەرمەن الماسۋعا جانە جاڭا ىسكەرلىك بايلانىستار ورناتۋعا مۇمكىندىك بەرىلەدى.
ق ر پرەزيدەنتىنىڭ تەلەراديوكەشەنى - قۇرامىنا Jibek Joly ،Silk Way ،Silk Way Cinema تەلەارنالارى، قازاقستانداعى ەڭ كونە «قازاقپارات» حالىقارالىق اقپارات اگەنتتىگى جانە دەرەكتى كينو ورتالىعى كىرەتىن قازاقستاننىڭ ءىرى مەديا كومپانيالارىنىڭ ءبىرى.
Prasar Bharati (ءۇندىستاننىڭ حابار تاراتۋ كورپوراتسياسى) - شتاب-پاتەرى نيۋ-دەليدە ورنالاسقان ءۇندىستاننىڭ مەملەكەتتىك قوعامدىق حابار تاراتۋ كومپانياسى. پارلامەنت زاڭناماسىنا سايكەس قۇرىلعان اۆتونومدى ورگان. ول Doordarshan-حابار تاراتۋ كومپانياسىنان جانە All India Radio - حابار تاراتۋ كومپانياسىنان تۇرادى.
وسىعان دەيىن پرەزيدەنت ترك جۋرناليستەرى Al Jazeera مەديا ينستيتۋتىندا تاعىلىمدامادان وتكەنىن جازعان ەدىك.
