پرەزيدەنت تەلەراديوكەشەنى مەن تۇرىكمەنستاننىڭ TDH اگەنتتىگى سەرىكتەس بولدى
استانا. قازاقپارات – 10-قازان كۇنگى مەملەكەت باسشىسى قاسىم-جومارت توقايەۆتىڭ تۇرىكمەنستانعا رەسمي ساپارى بارىسىندا اشحابادتا قازاقستان رەسپۋبليكاسى پرەزيدەنتىنىڭ تەلەراديوكەشەنى جانە تۇرىكمەنستاننىڭ مەملەكەتتىك اقپارات اگەنتتىگى (TDH) ءوزارا تۇسىنىستىك تۋرالى مەموراندۋمعا قول قويدى.
قۇجاتقا ق ر پرەزيدەنتى تەلەراديوكەشەنىنىڭ ديرەكتورى راۋشان قاجىبايەۆا مەن TDH اگەنتتىگىنىڭ ءتوراعاسى مەردان گازاكبايەۆ قول قويدى.
- بۇگىن قول قويىلعان مەموراندۋم مەدياكونتەنت الماسۋدى جانە ەكى ەلدىڭ ومىرىندەگى ماڭىزدى وقيعالاردى كورسەتۋدە ءوزارا ىقپالداستىقتى كوزدەيدى، - دەدى راۋشان قاجىبايەۆا.
مەموراندۋم سونىمەن قاتار بىرلەسىپ كونتەنت جاساۋدى، جۋرناليستەردى وقىتۋ مەن تاعىلىمدامادان وتكىزۋ، كوررەسپوندەنتتىك جەلى رەسۋرستارىن بىرلەسىپ پايدالانۋ ماقساتىن كوزدەيدى. پرەزيدەنت ت ر ك قۇرامىنا كىرەتىن «كازينفورم» حالىقارالىق اقپارات اگەنتتىگى TDH اگەنتتىگىمەن ۇزاق ۋاقىتتان بەرى بايلانىستا ەكەنىن، ت م د اقپاراتتىق كەڭەسى اياسىنداعى ءوزارا ءىس- قيمىلدىڭ مول تاجىريبەسى بار ەكەنىن اتاپ وتكەن ءجون.
- TDH مەن ق ر پرەزيدەنتى ت ر ك اراسىنداعى ىنتىماقتاستىق ورتالىق ازيانىڭ اقپاراتتىق كەڭىستىگىن دامىتۋعا، حالىقتارىمىزدىڭ دوستىعى مەن ءوزارا تۇسىنىستىگىن نىعايتۋعا باعىتتالعان تۇركىمەنستان مەن قازاقستان اراسىنداعى ستراتەگيالىق ارىپتەستىك رۋحىنا سايكەس كەلەدى، - دەپ اتاپ ءوتتى TDH اگەنتتىگىنىڭ ءتوراعاسى مەردان گازاكبايەۆ.
ايتا كەتەيىك، ق ر پرەزيدەنتىنىڭ تەلەراديوكەشەنى - تولىق سيكلدى قازاقستاندىق ءىرى مەديا- كومپانيا، ونىڭ قۇرامىنا: «JibekJoly» رەسپۋبليكالىق تەلەارناسى، SilkWay جانە SilkWayCinema حالىقارالىق تەلەارنالارى، «قازاقپارات» ح ا ا جانە دەرەكتى فيلمدەر ورتالىعى كىرەدى.
تۇرىكمەنستاننىڭ ورتالىق مەملەكەتتىك اقپارات اگەنتتىگى (TDH) مەملەكەتتىڭ قوعامدىق- ساياسي، الەۋمەتتىك- ەكونوميكالىق، مادەني جانە سپورت ومىرىندەگى وقيعالار تۋرالى اقپاراتتى تۇرىكمەن، ورىس جانە اعىلشىن تىلدەرىندە تاراتادى.
اۆتور
ەركەجان سماعۇلوۆا
