پرەزيدەنت تەلەراديوكەشەنى مەن AnewZ تەلەارناسى ىنتىماقتاستىق تۋرالى كەلىستى
استانا. KAZINFORM - پرەزيدەنت تەلەراديوكەشەنىنىڭ كەڭسەسىنە اnewz Global Media Channel جاڭا ازەربايجاندىق تەلەارنا ديرەكتورى رۋفات حامزايەۆ باستاعان دەلەگاتسيا كەلدى.
كەزدەسۋ بارىسىندا كاسىبي سالاداعى ءوزارا ءىس-قيمىلدى دامىتۋ پەرسپەكتيۆالارى قارالدى. اتاپ ايتقاندا، Silk Way مەن AnewZ ءوزارا كونتەنتپەن الماسۋ، سول سياقتى قىزمەتكەرلەرگە ارنالعان ءبىلىم بەرۋ باعدارلامالارى، تىلشىلەر جەلىسىنىڭ رەسۋرستارىن پايدالانۋ ماسەلەلەرى تالقىلاندى.
ونىڭ ىشىندە ازەربايجان تاراپىنىڭ Silk Way تەلەارناسى نەگىزىندە قۇرىلاتىن ءبىرىڭعاي ورتالىق ازيا تەلەارناسى جوباسىنا قاتىسۋى ماسەلەسىنە ەرەكشە كوڭىل ءبولىندى.
AnewZ ديرەكتورى رۋفات حامزايەۆ Silk Way تەلەارناسىنىڭ تابىستى دامىپ كەلە جاتقانىن اتاپ ءوتىپ، ونىڭ كونتەنتى ازەربايجاندىق كورەرمەندەر اراسىندا زور قىزىعۋشىلىق تۋدىرىپ جاتقانىن جەتكىزدى.
ونىڭ ايتۋىنشا، ەكى ەلدىڭ بۇقارالىق اقپارات قۇرالدارى ورتالىق ازيا مەن كاۆكاز وڭىرلەرىنىڭ ءومىرى تۋرالى دۇنيەجۇزىنە اقپارات تاراتۋدا ءوزارا ءتيىمدى ىنتىماقتاستىق ورناتۋدىڭ الەۋەتى زور.
كەزدەسۋ قورىتىندىسى بويىنشا تاراپتار مەديا سالاسىنداعى ارىپتەستىكتى بەلسەندى دامىتۋ قاجەتتىگىن اتاپ ءوتتى. بۇل باعىتتا ىنتىماقتاستىق تۋرالى كەلىسىمگە قول قويۋ جوسپارلانىپ وتىر.
ايتا كەتەيىك، پرەزيدەنت تەلەراديوكەشەنىنىڭ ازەربايجاندىق بۇقارالىق اقپارات قۇرالدارىمەن بۇرىننان قالىپتاسقان جەمىستى بايلانىسى بار. «Kazinform» حالىقارالىق اقپارات اگەنتتىگى AzerTag جانە Trend اگەنتتىكتەرىمەن بەلسەندى ىنتىماقتاستىق ورناتىپ كەلەدى.
قازاقستانداعى ەڭ ءىرى مەدياكومپانيالاردىڭ ءبىرى پرەزيدەنت تەلەراديوكەشەنىنىڭ قۇرامىنا Jibek Joly ،Silk Way ،Silk Way Cinema تەلەارنالارى، ەلىمىزدەگى ەڭ كونە حالىقارالىق اقپارات اگەنتتىگى - «Kazinform» جانە قۇجاتتىق كينو ورتالىعى كىرەدى.
اتالعان ارنا 2024-جىلدىڭ 4-قاراشاسىنان باستاپ جۇمىس ىستەي باستاعان، تاۋلىك بويى حابار تاراتاتىن، اعىلشىن تىلىندەگى حالىقارالىق جاڭالىقتار تەلەارناسى. ول الەم جاڭالىقتارىنا بالاما كوزقاراس پەن تالداۋ جاساۋعا باعىتتالعان.
ەسكە سالساق، جىل باسىندا پرەزيدەنت تەلەراديوكەشەنى يوردانيالىق ب ا ق- پەن بايلانىسىن دامىتاتىنى تۋرالى حابارلاعان ەدىك.
ودان بولەك، وتكەن جىلى ق ر پرەزيدەنتىنىڭ تەلەراديوكەشەنى مەن Al Jazeera ەكىنشى بىرلەسكەن جوبانى قولعا الدى.
