پرەزيدەنت تايلاند كورولدىگىمەن ىنتىماقتاستىقتى ودان ءارى تەرەڭدەتۋگە بەيىل ەكەنىن جەتكىزدى
استانا. KAZINFORM – ق ر پرەزيدەنتى قاسىم-جومارت توقايەۆ تايلاند كورولى ماحا ۆاچيرالونگكورندى ۇلتتىق مەرەكەمەن قۇتتىقتادى، دەپ حابارلايدى اقوردا.
قازاقستان پرەزيدەنتى جەدەلحاتىندا تايلاند كورولدىگىنىڭ حالىقارالىق ارەنادا جانە الەۋمەتتىك-ەكونوميكالىق دامۋدا ايتارلىقتاي تابىسقا قول جەتكىزگەنىن اتاپ ءوتتى.
سونىمەن قاتار پرەزيدەنت تايلاند كورولدىگىمەن ءداستۇرلى دوستىق پەن مازمۇندى ساياسي ديالوگقا نەگىزدەلگەن ىنتىماقتاستىقتى ودان ءارى تەرەڭدەتۋگە بەيىل ەكەنىن جەتكىزدى.
ەسكە سالساق، بۇگىن پرەزيدەنت قاسىم-جومارت توقايەۆ ەۋرازيالىق ەكونوميكالىق كوميسسيا القاسىنىڭ ءتوراعاسى باقىتجان ساعىنتايەۆتى قابىلدادى. قابىلداۋدا قاسىم-جومارت توقايەۆقا 26-جەلتوقسان كۇنى سانكت-پەتەربۋرگ قالاسىندا وتەتىن جوعارى ەۋرازيالىق ەكونوميكالىق كەڭەستىڭ كەزەكتى وتىرىسىنا ازىرلىك بارىسى تۋرالى اقپارات بەرىلدى.
