پرەزيدەنت تاپسىرماسى: 2029-جىلعا قاراي ۇلتتىق ەكونوميكا كولەمى ەكى ەسە ۇلعايادى
مەملەكەت باسشىسىنىڭ باستاماسىمەن ساياسي-ەكونوميكالىق رەفورمالار جۇزەگە اسىرىلىپ جاتىر.
ونىڭ العاشقى ناتيجەلەرى دە جوق ەمەس. وسى ورايدا، 2023-جىل تاريح بەتتەرىندە قانداي وقيعالارمەن ەستە قالدى. وسى جانە باسقا دا ساۋالدار توڭىرەگىندە kazinform نازارلارىڭىزعا ق ر پرەزيدەنتىنىڭ كەڭەسشىسى -ءباسپاسوز حاتشىسى بەرىك ۋاليمەن سۇحباتتى ۇسىنادى.
«ەڭ الدىمەن، بارشاڭىزدى كەلە جاتقان جاڭا جىل مەرەكەسىمەن قۇتتىقتايمىن! وسى مەرەكە قارساڭىندا جىلدى قورىتىندىلاپ، بىزبەن سۇحباتتاسساق دەگەن ويىڭىزدى قۇپتايمىن. شىن مانىندە، ادىلەتتى قازاقستاندى قۇرۋ جولىندا ماڭىزدى ساياسي- ەكونوميكالىق رەفورمالار جۇزەگە اسىرىلىپ جاتىر»،-دەدى بەرىك ءۋالي.
ونىڭ ايتۋىنشا، بيىل مەملەكەت باسشىسى قوعامدا زاڭ مەن ءتارتىپ ۇستەمدىگىن ورناتۋعا، ادىلدىككە نەگىزدەلگەن جاڭا ەكونوميكالىق ۇلگىگە كوشۋگە، حالىقتىڭ تۇرمىس ساپاسىن جاقسارتۋعا، باسەكەگە قابىلەتتى ەل بولۋعا، ساپالى ۇلت قالىپتاستىرۋعا باعىتتالعان كوپتەگەن باستاما كوتەردى.
مىسالى، قاسىم-جومارت كەمەل ۇلى بيىلعى جولداۋىندا جاڭا ەكونوميكالىق ساياساتتىڭ نەگىزگى باعىت-باعدارىن ايقىنداپ بەرەدى.
«ودان بولەك، ۇكىمەت پەن جەرگىلىكتى اتقارۋشى بيلىككە ەل ەكونوميكاسىنىڭ جىل سايىنعى تۇراقتى ءوسىمىن 6-7 پايىزعا جەتكىزۋ، 2029-جىلعا قاراي ۇلتتىق ەكونوميكا كولەمىن ەكى ەسە ۇلعايتۋ. ەلىمىزدىڭ بايلىعى مەن تابىسىن حالقىمىزدىڭ اراسىندا ءادىل ءبولۋ مىندەتتەرىن جۇكتەدى»، - دەيدى ول.
