پرەزيدەنت سوگىسىنەن كەيىن كولىك مينيسترلىگى سىبايلاس جەمقورلىق تاۋەكەلدەرىنە تالداۋ جۇرگىزەدى
استانا. قازاقپارات - 20 - مامىردا كولىك مينيسترلىگىندە ىشكى تالداۋ جۇمىستارى باستالادى.
- قازاقستان رەسپۋبليكاسى كولىك مينيسترلىگى 2025 -جىلعى 20 -مامىردان باستاپ سيفرلاندىرۋ جانە مەملەكەتتىك كورسەتىلەتىن قىزمەتتەر دەپارتامەنتتەرىنىڭ قىزمەتىندە سىبايلاس جەمقورلىق تاۋەكەلدەرىنە ىشكى تالداۋ جۇرگىزۋدىڭ باستالاتىنى تۋرالى جۇرتشىلىقتى حاباردار ەتەدى، - دەلىنگەن ۆەدومستۆو تاراتقان حابارلامادا.
14- مامىردا پرەزيدەنت قاسىم-جومارت توقايەۆتىڭ توراعالىعىمەن قازاقستان رەسپۋبليكاسى قاۋىپسىزدىك كەڭەسىنىڭ كولىك- لوگيستيكا سالاسىن دامىتۋ ماسەلەلەرى جونىندەگى وتىرىسى ءوتتى.
مەملەكەت باسشىسى كولىك سالاسىنداعى احۋالدى سىنعا الدى. قوردالانعان پروبلەمالار مەن بەلگىلەنگەن مەجەلەردىڭ ورىندالماۋى جاڭعىرتۋ جۇمىستارىن جۇرگىزۋگە كەدەرگى كەلتىرىپ وتىر.
جيىن سوڭىندا پرەزيدەنت كولىك ءمينيسترى مارات قارابايەۆقا جۇمىس بارىسىندا جىبەرگەن كەمشىلىكتەرى ءۇشىن سوگىس جاريالادى.
اۆتور
داۋلەت ىزتىلەۋ
