پرەزيدەنت سەمەي ورمانىن قالپىنا كەلتىرۋ جونىندەگى تۇرعىندار باستاماسىن قولدادى
استانا. KAZINFORM - مەملەكەت باسشىسى قاسىم-جومارت توقايەۆ سەمەي قالاسى توڭىرەگىندەگى ورتەنگەن قاراعايلى ورماندى قالپىنا كەلتىرۋ جونىندەگى جەرگىلىكتى تۇرعىنداردىڭ باستاماسىن قولدادى.
«مەملەكەت باسشىسى قاسىم-جومارت توقايەۆ سەمەي قالاسى توڭىرەگىندەگى ورتەنگەن قاراعايلى ورماندى قالپىنا كەلتىرۋ جونىندەگى جەرگىلىكتى تۇرعىنداردىڭ باستاماسىن قولدادى»، - دەپ ق ر پرەزيدەنتىنىڭ كەڭەسشىسى - پرەزيدەنتتىڭ باسپا ءسوز حاتشىسى بەرىك ءۋالي Facebook پاراقشاسىنا جازدى.
بۇعان دەيىن حابارلاعانىمىزداي، اباي وبلىسىندا «تازا قازاقستان» ەكولوگيالىق اكسياسى، «جاسىل ايماق» تەماتيكالىق اپتالىعى اياسىندا «سەمەي ورمانى» مەملەكەتتىك تابيعي رەزەرۆاتى اۋماعىندا كەڭ ماسشتابتى اكسيا ۇيىمداستىرىلىپ، بورودۋليحينسك ەلدى مەكەنى ماڭىنا كوشەتتەر وتىرعىزىلعانىن جازعان بولاتىنبىز.
اكسيا شەڭبەرىندە ۆوسكرەسەنوۆكا اۋىلى ماڭىنداعى 5 گەكتار جەرگە 23 مىڭ كوشەت وتىرعىزىلدى. جالپى «سەمەي ورمانى» مەملەكەتتىك تابيعي رەزەرۆاتى اۋماعىنا «تازا قازاقستان» ەكولوگيالىق اكسياسى اياسىندا 70 مىڭ اعاش وتىرعىزىلعان.
