پرەزيدەنت رەسەي مەملەكەتتىك دۋماسىنىڭ ءتوراعاسى ۆياچەسلاۆ ۆولوديندى قابىلدادى
استانا. KAZINFORM - قاسىم-جومارت توقايەۆ قازاقستانعا ۇ ق ش ۇ پارلامەنتتىك اسسامبلەياسى كەڭەسىنىڭ وتىرىسىنا قاتىسۋ ءۇشىن كەلگەن رەسەي مەملەكەتتىك دۋماسىنىڭ ءتوراعاسى ۆياچەسلاۆ ۆولوديندى قابىلدادى.
كەزدەسۋ بارىسىندا قازاقستان مەن رەسەي اراسىنداعى كوپجاقتى ستراتەگيالىق سەرىكتەستىك پەن وداقتاستىقتى نىعايتۋ پەرسپەكتيۆالارى تالقىلاندى. قاسىم-جومارت توقايەۆ پەن ۆياچەسلاۆ ۆولودين ساۋدا- ەكونوميكالىق، مادەني-گۋمانيتارلىق ىنتىماقتاستىقتىڭ وزەكتى ماسەلەلەرى جانە ەۋرازيالىق ينتەگراتسيانىڭ كەلەشەگى جونىندە پىكىر الماستى.
«پرەزيدەنت مەملەكەتتەر اراسىنداعى جان-جاقتى ىنتىماقتاستىقتى نىعايتۋ ىسىندە زاڭ شىعارۋ ورگاندارى ماڭىزدى ءرول اتقاراتىنىن ايرىقشا اتاپ ءوتتى»، - دەلىنگەن حابارلامادا.
قاسىم-جومارت كوپجاقتى ىنتىماقتاستىق اياسىندا پارلامەنتارالىق بايلانىستاردى ودان ءارى دامىتۋعا جانە باۋىرلاس قازاقستان مەن رەسەي حالىقتارىنىڭ مۇددەسى مەن يگىلىگى ءۇشىن ەكىجاقتى سەرىكتەستىكتى بارىنشا كەڭەيتۋگە شاقىردى.
اۆتور
باقىتگۇل اباي قىزى
