16:51, 22 - قىركۇيەك 2023 | GMT +5
پرەزيدەنت گەرمانياعا رەسمي ساپارمەن بارادى
مەملەكەت باسشىسى قاسىم- جومارت توقايەۆ 28-29- قىركۇيەك كۇندەرى گەرمانيا فەدەراتيۆتىك رەسپۋبليكاسىنا رەسمي ساپارمەن بارادى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.
«قاسىم- جومارت توقايەۆ بەرليندە فەدەرالدىق كانتسلەر ولاف شولتسپەن جانە فەدەرالدىق پرەزيدەنت فرانك- ۆالتەر شتاينمايەرمەن كەلىسسوز جۇرگىزەدى. سونىمەن قاتار پرەزيدەنت ورتالىق ازيا جانە گەرمانيا مەملەكەتتەرى باسشىلارىنىڭ كەزدەسۋىنە قاتىسادى دەپ جوسپارلانىپ وتىر. بۇدان بولەك، ساپار اياسىندا مەملەكەت باسشىسى حالىقارالىق Berlin Global Dialogue فورۋمىندا ءسوز سويلەيدى جانە گەرمانيانىڭ ىسكەرلىك قوعامداستىعى وكىلدەرىمەن ءبىرقاتار كەزدەسۋ وتكىزەدى»، دەلىنگەن حابارلامادا.
