پرەزيدەنت قىزىلوردادا سالىنىپ جاتقان ج ە و- نى مەرزىمىندە ىسكە قوسۋدى تاپسىردى

президент қызылорда жэо
Фото: Фото: Ақорда

مەملەكەت باسشىسى قاسىم- جومارت توقايەۆقا قىزىلوردا قالاسىنىڭ جاڭا جىلۋ ەلەكتر ورتالىعىنىڭ جوباسى تانىستىرىلدى.

مالىمەتكە سۇيەنسەك، بىلتىر ەنەرگەتيكا مينيسترلىگى تۇركيالىق «Aksa Enerji Uretim AS» كومپانياسىمەن قىزىلوردا قالاسىندا جاڭا بۋ- گاز قوندىرعىسىن ورناتۋ جونىندە كەلىسىمشارتقا قول قويدى. شەتەلدىك ينۆەستيتسيا ەسەبىنەن سالىنىپ جاتقان جاڭا ج ە و 240م ۆ ت ەلەكتر قۋاتىن جانە ساعاتىنا 277 جىلۋ قۋاتىن وندىرە الادى. جوبانىڭ بولجامدى قۇنى - 215 ميلليارد تەڭگە.

وبلىس اكىمى نۇرلان نالىبايەۆتىڭ ايتۋىنشا، قازىر قۇرىلىسقا دايىندىق جۇمىستارى قىزۋ ءجۇرىپ جاتىر. 2025 -جىلدىڭ سوڭىنا دەيىن پايدالانۋعا بەرىلەتىن ج ە و قالانىڭ جىلۋ جانە ەلەكتر قاجەتتىلىگىن تولىق قامتاماسىز ەتىپ قانا قويماي، ارتىلعان ەلەكتر ەنەرگياسىن باسقا وڭىرلەرگە ساتۋعا مۇمكىندىك بەرەدى.

قازىرگى قولدانىستاعى جىلۋ ەلەكتر ورتالىعى 1964 -جىلى سالىنعان. بىرنەشە رەت كۇردەلى جوندەۋ جۇرگىزىلگەنىنە قاراماستان، ستراتەگيالىق نىساننىڭ نەگىزگى جانە قوسالقى قوندىرعىلارىنىڭ توزۋ دەڭگەيى 90 پايىزعا جەتكەن. سونداي- اق قالاداعى ۇزىندىعى 207,7 شاقىرىم بولاتىن جىلۋ جەلىسىنىڭ جارتىسىنا جۋىعى جاڭارتۋدى قاجەت ەتەدى.

مەملەكەت باسشىسى ەلىمىزدىڭ ەنەرگەتيكالىق قاۋىپسىزدىگىن كۇشەيتۋ تۇرعىسىنان بۇل جوبانىڭ ماڭىزدى ەكەنىن اتاپ ءوتتى.

قاسىم- جومارت توقايەۆ ۇكىمەت پەن وبلىس اكىمدىگىنە جىلۋ ەلەكتر ورتالىعىن بەلگىلەنگەن مەرزىمدە پايدالانۋعا بەرۋدى تاپسىردى.

اۆتور

گۇلميرا الياكپاروۆا

سوڭعى جاڭالىقتار