پرەزيدەنت قىلمىستىق زاڭنامانى وڭتايلاندىرۋ ماسەلەلەرىنە قاتىستى زاڭعا قول قويدى

استانا. KAZINFORM - مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسىنىڭ قىلمىستىق زاڭناماسىن وڭتايلاندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى.

بۇل تۋرالى اقوردانىڭ باسپا ءسوز قىزمەتى حابارلادى.

زاڭمەن قىلمىستىق، قىلمىستىقپروتسەستىك، قىلمىستىق-اتقارۋ كودەكستەرىنە، «نەكە (ەرلى-زايىپتىلىق) جانە وتباسى تۋرالى» كودەكسىنە، «جەدەل-ىزدەستىرۋ قىزمەتى تۋرالى»، «تولەمدەر جانە تولەم جۇيەلەرى تۋرالى» جانە باسقا دا زاڭدارعا تۇزەتۋ ەنگىزىلدى.

تۇزەتۋلەردىڭ ءبىرىنشى بلوگى قىلمىستىق زاڭنامانىڭ تۇراقتىلىعىن قامتاماسىز ەتەدى.

تۇزەتۋلەردىڭ ەكىنشى بلوگى قىلمىستىق زاڭنامانى جەتىلدىرۋدى جانە كەيبىر قوعامدىق قاۋىپتى ارەكەتتەر ءۇشىن جاۋاپكەرشىلىكتى ارتتىرۋدى كوزدەيدى.

تۇزەتۋلەردىڭ ءۇشىنشى بلوگى قىلمىستىق پروتسەستە ازاماتتاردىڭ قۇقىقتارىن قورعاۋدى كۇشەيتۋگە، قىلمىستىق پروتسەستى وڭتايلاندىرۋعا باعىتتالعان.

تۇزەتۋلەردىڭ ءتورتىنشى بلوگى قىلمىستىق-اتقارۋ زاڭناماسىن جەتىلدىرۋگە ارنالعان.

زاڭنىڭ ءماتىنى باسپا سوزدە جاريالانادى.

وسىعان دەيىن پرەزيدەنت كوپپاتەرلى تۇرعىن ۇيلەردى باسقارۋ جۇيەسىن جەتىلدىرۋگە باعىتتالعان قۇجاتقا قول قويعان بولاتىن.