پرەزيدەنت قورعانىس ءمينيسترى رۋسلان جاقسىلىقوۆتى قابىلدادى
كەزدەسۋ بارىسىندا پرەزيدەنت - قازاقستان رەسپۋبليكاسى قارۋلى كۇشتەرىنىڭ جوعارعى باس قولباسشىسى قاسىم- جومارت توقايەۆقا قورعانىس ۆەدومستۆوسىنىڭ بيىلعى اتقارعان جۇمىسىنىڭ قورىتىندىسى جانە اسكەردىڭ جاۋىنگەرلىك دايىندىعىنا قاتىستى جاڭا تاسىلدەر، وقۋ بازاسى مەن پوليگونداردىڭ جاي- كۇيى تۋرالى باياندالدى، دەپ حابارلايدى Kazinform.
سونىمەن قاتار مەملەكەتتىك قورعانىس تاپسىرىسىن ورىنداۋ ماسەلەسىنە، ۇشقىشسىز ۇشاتىن ۇشاق كەشەندەرىن، اۋە شابۋىلىنا قارسى قورعانىس اسكەرلەرىنىڭ قارۋ- جاراعىن، جاڭعىرتىلعان بروندى تەحنيكا مەن بايلانىس قۇرالدارىن قوسا العاندا، اۆياتسيالىق تەحنيكانىڭ جاڭا ۇلگىلەرىمەن قامتاماسىز ەتۋگە ەرەكشە نازار اۋدارىلدى.
بۇدان بولەك، پرەزيدەنتكە ازاماتتاردى مەرزىمدى اسكەري قىزمەتكە شاقىرۋ بارىسى، اسكەري قىزمەتشىلەردىڭ مارتەبەسى مەن ولارعا بەرىلەتىن اقشالاي قاراجاتتى ارتتىرۋعا باعىتتالعان شارالار تۋرالى مالىمەت بەرىلدى.
قاسىم- جومارت توقايەۆ ب ۇ ۇ اياسىندا جۇزەگە اسىرىلاتىن ميسسيالارعا قاتىسۋ ءۇشىن قازاقستاندىق بىتىمگەرلىك كونتينگەنتتىڭ الەۋەتىن ارتتىرۋ قاجەت ەكەنىن اتاپ ءوتتى.
كەزدەسۋ سوڭىندا مەملەكەت باسشىسى مينيسترگە وتاندىق قورعانىس باعىتىنداعى كاسىپورىندارمەن ىقپالداستىق جاساۋ، اۋماقتىق قورعانىستى جانە ارنايى وپەراتسيالارعا قاتىساتىن كۇشتەردى دامىتۋ، اسكەري- پاتريوتتىق جۇمىستى كۇشەيتۋ جونىندە ءبىرقاتار مىندەت جۇكتەدى.
