19:01, 22 - ماۋسىم 2025 | GMT +5
پرەزيدەنت قۇقىق قورعاۋ ورگاندارىنىڭ كەڭەيتىلگەن القا وتىرىسىن وتكىزەدى
استانا. KAZINFORM - ەرتەڭ، 23 -ماۋسىم كۇنى مەملەكەت باسشىسى قاسىم-جومارت توقايەۆتىڭ توراعالىعىمەن قۇقىق قورعاۋ ورگاندارىنىڭ كەڭەيتىلگەن القا وتىرىسى وتەدى.
بۇل تۋرالى قازاقستان رەسپۋبليكاسى پرەزيدەنتىنىڭ كەڭەسشىسى - باسپاءسوز حاتشىسى رۋسلان جەلدىباي حابارلادى.
جيىنعا ق ر ۇكىمەتى، پرەزيدەنت اكىمشىلىگى، باس پروكۋراتۋرا، ىشكى ىستەر مينيسترلىگى، قارجى مونيتورينگى اگەنتتىگى، سىبايلاس جەمقورلىققا قارسى ءىس-قيمىل اگەنتتىگىنىڭ باسشىلارى قاتىسادى.
ەسكە سالا كەتەيىك، بۇعان دەيىن پرەزيدەنت سوت اكتىلەرىن ماجبۇرلەپ ورىنداتۋ بويىنشا اقپارات الماسۋ تۋرالى جارلىققا قول قويعانىن جازعان ەدىك.
