پرەزيدەنت «قازپوشتا» ا ق باسقارما ءتوراعاسى اسەل جاناسوۆانى قابىلدادى

مەملەكەت باسشىسى «قازپوشتا» ا ق باسقارما ءتوراعاسى اسەل جاناسوۆانى قابىلدادى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

اسەل جاناسوۆا:

«قازپوشتا» اكتسيونەرلىك قوعامىنىڭ بيىلعى 8 ايدا اتقارعان جۇمىستارىنىڭ ناتيجەسى جونىندە باياندادى. اتاپ ايتقاندا:

▪️كومپانيا شىعىنداردى وڭتايلاندىرۋ، ەلەكتروندى كوممەرتسيانى جانە باسقا دا قارجىلىق قىزمەتتەردى دامىتۋ ەسەبىنەن سوڭعى 5 جىلدا العاش رەت شىعىنى از، تابىستى مەكەمەگە اينالعان؛

▪️«قازپوشتانىڭ» 8 ايداعى كىرىسى وتكەن جىلدىڭ وسى كەزەڭىمەن سالىستىرعاندا 44 پايىزعا نەمەسە 16,7 ميلليارد تەڭگەگە ارتقان.

ەلىمىزدىڭ شالعاي ەلدى مەكەندەرىندە «قازپوشتانىڭ» بولىمشەلەر جەلىسىن كەڭەيتۋ جوسپارلانىپ وتىرعانىن جەتكىزدى. بۇل پوشتا، قارجى، اگەنتتىك، الەۋمەتتىك جانە مەملەكەتتىك قىزمەتتەردى قامتاماسىز ەتۋگە مۇمكىندىك بەرەدى؛

«قازپوشتا» اكتسيونەرلىك قوعامى ەلەكتروندى كوممەرتسيا نارىعىنىڭ سۋبەكتىلەرى ءۇشىن ءبىرىڭعاي ەكوجۇيە قۇراتىنى جونىندە مالىمەت بەردى. ول ءۇشىن كومپانيا فۋلفيلمەنت ورتالىقتارىن دامىتۋ، وتاندىق جانە شەتەلدىك تانىمال ماركەتپلەيستەر ءۇشىن تاپسىرىستار بەرۋ پۋنكتتەرىن اشۋ، قويمالار مەن پوشتامات جەلىلەرىن كەڭەيتۋ جۇمىستارىن جۇرگىزىپ جاتىر؛

اقتوبە قالاسىندا، تۇركىستان جانە الماتى وبلىستارىندا لوگيستيكالىق حاب سالۋ جوسپارى بويىنشا تانىستىردى. مۇنداي لوگيستيكالىق حاب وسى اپتادا استانا قالاسىندا اشىلماق.

قاسىم-جومارت توقايەۆ كومپانيانىڭ قارجىلىق جاعدايىن جاقسارتۋ جۇمىستارىن جالعاستىرۋدى، اۋىل تۇرعىندارىنا كورسەتىلەتىن الەۋمەتتىك جانە مەملەكەتتىك قىزمەتتەر اياسىن ۇلعايتۋدى تاپسىردى.