پرەزيدەنت قازاقستاننىڭ اۋىل شارۋاشىلىعى ونىمدەرى قانشا ەلگە ەكسپورتتالاتىنىن ايتتى
استانا. KAZINFORM - قازاقستان شەتەلدىك ينۆەستورلاردىڭ قاتىسۋىمەن اگروونەركاسىپ كەشەنىندە 5 ميلليارد دوللاردىڭ جوبالارىن ىسكە اسىرادى.
بۇل تۋرالى ق ر پرەزيدەنتى جانىنداعى شەتەلدىك ينۆەستورلار كەڭەسىنىڭ 36-پلەنارلىق وتىرىسىندا مەملەكەت باسشىسى قاسىم-جومارت توقايەۆ ايتتى.
«قازاقستاننىڭ اۋىل شارۋاشىلىعى دامىتۋ بۇكىل ورتالىق ازيا ءوڭىرىنىڭ ازىق-تۇلىك قاۋىپسىزدىگىن قامتاماسىز ەتۋ ءۇشىن ستراتەگيالىق باسىمدىق سانالادى. قازاقستان اۋماعى 200 ميلليون گەكتاردان استام اۋىل شارۋاشىلىعى القابىمەن الەمدە التىنشى ورىندا تۇر. قازىرگى ۋاقىتتا ءبىزدىڭ اۋىل شارۋاشىلىعى ونىمدەرىمىز الەمنىڭ 80 نەن استام ەلىنە ەكسپورتتالادى»، - دەدى قاسىم-جومارت توقايەۆ.
مەملەكەت باسشىسى سوڭعى التى جىلدا اۋىل شارۋاشىلىعى ونىمدەرىنىڭ ەكسپورتى ەكى ەسەگە ارتىپ، 5 ميلليارد دوللاردان اسقانىن باسا ايتتى.
«ءبىز اگروونەركاسىپ كەشەنىن جوعارى تەحنولوگيالىق سەكتورعا اينالدىرۋدى ۇمتىلىپ وتىرعاندىقتان، شەتەلدىك ينۆەستورلاردىڭ قاتىسۋىمەن قۇنى 5 ميلليارد دوللار بولاتىن 100 دەن استام جوبا جۇزەگە اسىرىلادى»، - دەدى پرەزيدەنت.
بۇعان دەيىن قازاقستان تەحنيكالىق جانە كاسىپتىك ءبىلىم بەرۋ ساپاسىن ارتتىرۋعا دايىن ينۆەستورلاردى ىزدەيتىندىگىن جازعان ەدىك.
سونداي-اق 2029-جىلعا قاراي ەلىمىز 150 ميلليارد دوللار تىكەلەي شەتەل ينۆەستيتسياسىن تارتادى.
