پرەزيدەنت: قازاقستان يتالياعا مۇناي جەتكىزۋ كولەمىن ۇلعايتۋعا دايىن

استانا. KAZINFORM - مەملەكەت باسشىسى قاسىم-جومارت توقايەۆ «ورتالىق ازيا - يتاليا» ءبىرىنشى سامميتىندە قازاقستان يتالياعا مۇناي جەتكىزۋ كولەمىن ۇلعايتۋعا دايىن ەكەنىن ءمالىم ەتتى.

- ەنەرگەتيكا سالاسى ءداستۇرلى تۇردە قازاقستان- يتاليا ىنتىماقتاستىعىنىڭ لوكوموتيۆى بولىپ كەلەدى. ءبىزدىڭ ەل ەۋروپالىق وداققا مۇناي ەكسپورتتاۋشى ەلدەردىڭ ءىرى ۇشتىگىنە كىرەدى. بىلتىر يتاليا نارىعىنا قازاقستان مۇنايىن جەتكىزۋ كولەمى 30 ميلليون توننادان استى. بۇل ءبىر جىل بۇرىنعى كورسەتكىشتەن 27 پايىز كوپ. قاجەت بولعان جاعدايدا قازىرگى كولەمدى وسىرۋگە دايىنبىز، - دەدى مەملەكەت باسشىسى.

الماتىدا يتالياندىق ساۋدا ءۇيىن اشۋ كەرەك. 
- ساۋدا ۇيلەرى مەن لوگيستيكالىق ورتالىقتاردىڭ اشىلۋى ەلدەرىمىز اراسىنداعى تاۋار اينالىمىنىڭ كەڭەيۋىنە ەلەۋلى سەرپىن بەرە الار ەدى. وسى ورايدا الماتىدا يتالياندىق ساۋدا ءۇيىن قۇرۋ ۇسىنىلادى، - دەدى قاسىم-جومارت توقايەۆ.

سونىمەن قاتار مەملەكەت باسشىسى بۇگىنگى سامميتكە قاتىسىپ وتىرعان ەلدەردىڭ ىسكەر توپتارى اراسىنداعى ىنتىماقتاستىقتى جانداندىرۋعا قاتىستى ۇسىنىس ايتتى. بۇل رەتتە، B5 (بيزنەسمەندەر) + يتاليا ديالوگ پلاتفورماسىن ىسكە قوسقان ءجون.

- مۇنداي فورماتتاعى العاشقى كەزدەسۋ قازاقستاندا وتكىزۋگە بولادى، - دەدى پرەزيدەنت.

ايتا كەتەيىك، ەلورداداعى تاۋەلسىزدىك سارايىندا مەملەكەت باسشىسى قاسىم-جومارت توقايەۆتىڭ قاتىسۋىمەن «ورتالىق ازيا - يتاليا» العاشقى سامميتى ءوتىپ جاتىر.

سونداي-اق بۇگىن تۇسكە دەيىن مەملەكەت باسشىسى قاسىم- جومارت توقايەۆ پەن يتاليا مينيسترلەر كەڭەسىنىڭ ءتوراعاسى دجوردجا مەلوني استانا حالىقارالىق فورۋمىنىڭ ەكىنشى كۇنىندەگى پلەنارلىق سەسسياعا قاتىستى.

بۇدان كەيىن قازاقستان پرەزيدەنتى مەن يتاليا پرەمەر-ءمينيسترى اقورداداعى كەلىسسوز قورىتىندىسى بويىنشا ستراتەگيالىق سەرىكتەستىكتى كەڭەيتۋ جونىندە بىرلەسكەن مالىمدەمە قابىلداعان بولاتىن.

اۆتور

ەسىمجان ناقتىباي