پرەزيدەنت قازاقستان قۇتقارۋشىلارىن كاسىبي مەرەكەمەن قۇتتىقتادى

مەملەكەت باسشىسى قاسىم- جومارت توقايەۆ ازاماتتىق قورعانىس سالاسىنىڭ قىزمەتكەرلەرىن قۇتقارۋشى كۇنىمەن قۇتتىقتادى، دەپ حابارلايدى Кazinform.

«ازاماتتىق قورعانىس سالاسىنىڭ قىزمەتكەرلەرىن قۇتقارۋشى كۇنىمەن قۇتتىقتايمىن! سىزدەردىڭ جۇمىستارىڭىز قاۋىپ- قاتەرگە تولى ءارى زور جاۋاپكەرشىلىكتى تالاپ ەتەدى. مەملەكەت پەن قوعام سىزدەردىڭ انتقا ادالدىقتارىڭىزدى، قاجىرلى ەڭبەكتەرىڭىزدى جوعارى باعالايدى. بارشاڭىزعا باق- بەرەكە تىلەيمىن!»، - دەپ جازدى قاسىم- جومارت توقايەۆ ح پاراقشاسىنا.

سونداي- اق ەل قۇتقارۋشىلارىن توتەنشە جاعدايلار ءمينيسترى سىرىم ءشارىپحانوۆ قۇتتىقتادى.

«سوڭعى ۋاقىتتا تەك ءبىزدىڭ ەلىمىزدە عانا ەمەس، كورشى مەملەكەتتەردە دە بولىپ جاقان توتەنشە جاعدايلار، ءبىزدىڭ جۇيە ءۇشىن ۇلكەن سىناق بولدى.

ءبىزدىڭ قۇتقارۋشىلارىمىز گۋمانيتارلىق ميسسيا اتقارۋ اياسىندا تۇركيا مەن اۋعانستاندا اۆاريالىق- قۇتقارۋ جۇمىستارىن جۇرگىزگەنىن ەرەكشە اتاپ وتكىم كەلەدى. كاسىبي بىلىكتىلىك دەڭگەيى، جىلدار بويى جيناعان تاجىريبەسى، ەڭ كۇردەلى مىندەتتەردى پىسىقتاۋ جىلدامدىعى مەن شاپشاڭدىعى جاعىنان ءبىزدىڭ قۇتقارۋشىلارىمىز ۇزدىكتەردىڭ قاتارىندا بولدى.

سوندىقتان ءبىزدىڭ ازاماتتارىمىز ت ج م قىزمەتكەرلەرىنىڭ كەز- كەلگەن ۋاقىتتا كۇنى- ءتۇنى كومەككە كەلۋگە دايىن ەكەنىن، ءاربىر ادامدى قۇتقارۋ ءۇشىن زىلزالامەن كۇرەسىپ، ءتىپتى ءوز ءومىرىن قياتىنىن بىلەدى»، - دەدى ول.

ايتا كەتەيىك، قۇتقارۋشىلار كۇنى قازاقستاندا جىل سايىن 19 -قازاندا اتالىپ وتەدى. كاسىبي مەرەكەنىڭ بەكىتىلۋى ەلىمىزدە توتەنشە جاعدايلار جونىندەگى ورتالىق مەملەكەتتىك كوميتەتتىڭ قۇرىلۋىمەن بايلانىستى.

اۆتور

گۇلميرا الياكپاروۆا