پرەزيدەنت قاتار ءامىرى شەيح ءتاميم بەن حاماد ءال تانيگە قۇتتىقتاۋ جەدەلحاتىن جولدادى

مەملەكەت باسشىسى قاسىم-جومارت توقايەۆ شەيح ءتاميم بەن حاماد ءال ءتانيدى جانە قاتار حالقىن ۇلتتىق مەرەكەسىمەن قۇتتىقتادى، دەپ حابارلايدى Kazinform.

- بۇگىندە ەلىڭىز ەكونوميكاسى قارقىندى دامىعان، وڭىرلىك جانە جاھاندىق تۇرعىدان كەڭىنەن مويىندالعان حالىقارالىق قاۋىمداستىقتىڭ بەدەلدى مۇشەسى رەتىندە تانىلدى. اسىرەسە، ءسىزدىڭ باسشىلىعىڭىزبەن جۇرگىزىلىپ جاتقان بىتىمگەرلىك باستامالار مەن الەمدىك دەڭگەيدەگى شارالار وسىعان دالەل بولا الادى. وسى تۇستا ءسىزدىڭ سىندارلى كوشباسشىلىعىڭىزبەن ەلىڭىز الداعى ۋاقىتتا دا وركەندەپ، ماقسات-مۇراتتارعا جەتە بەرەتىنىنە سەنىمدىمىن. قاتار قازاقستاننىڭ اراب الەمىندەگى سەنىمدى ءارى باستى سەرىكتەستەرىنىڭ بىرىنە اينالىپ، سىندارلى دا مازمۇندى قاتىناستارىمىزدىڭ نىعايا تۇسكەنىن ەرەكشە اتاپ وتەمىن. بولاشاقتا ءداستۇرلى دوستىق پەن باۋىرلاستىق رۋحىنداعى بەرىك ىنتىماقتاستىعىمىز جالعاسىن تاۋىپ، حالىقتارىمىزدىڭ يگىلىگى ءۇشىن قارقىندى دامي بەرەتىنىنە زور ءۇمىت ارتامىن، - دەپ جازىلعان جەدەلحاتتا.

قاسىم-جومارت توقايەۆ شەيح ءتاميم بەن حاماد ءال ءتانيدىڭ جاۋاپتى قىزمەتىنە تولاعاي تابىس، ال قاتار حالقىنا باق-بەرەكە تىلەدى.