پرەزيدەنت قاسىم-جومارت توقايەۆ ميانما پرەمەر-مينيسترىمەن كەزدەستى
استانا. KAZINFORM - مەملەكەت باسشىسى ەڭ الدىمەن پرەمەر-مينيستر مين اۋن حلاينعا جۋىردا ميانماداعى جويقىن جەر سىلكىنىسى سالدارىنان كوپتەگەن ادامنىڭ قازا تابۋىنا بايلانىستى كوڭىل ايتتى. بۇل تۋرالى اقوردانىڭ باسپا ءسوز قىزمەتى حابارلادى.
قاسىم-جومارت توقايەۆ ەكى مەملەكەت ءارقاشان ءوزارا قۇرمەت پەن سەنىمگە نەگىزدەلگەن دوستىق قارىم-قاتىناستاردى ساقتاپ كەلە جاتقانىن اتاپ ءوتتى.
كەزدەسۋدە ساۋدا-ينۆەستيتسيالىق بايلانىستاردى كەڭەيتۋگە جول اشاتىن مول الەۋەت بار ەكەنى ايتىلىپ، ساياسي جانە ەكونوميكالىق قارىم-قاتىناستاردى نىعايتۋ پەرسپەكتيۆاسىن زەردەلەۋ ماسەلەسى قاراستىرىلدى.
قازاقستان پرەزيدەنتى قوس ەل بيزنەس قاۋىمداستىعى وكىلدەرىنىڭ ءوزارا ساپارلارىن ۇيىمداستىرىپ، ەكونوميكالىق ىقپالداستىققا تىڭ سەرپىن بەرۋدى ۇسىندى.
🇲🇲 ميانما پرەمەر-ءمينيسترى وسىنداي قيىن-قىستاۋ كەزەڭدە قولداۋ بىلدىرگەنى ءۇشىن مەملەكەت باسشىسىنا العىس ايتىپ، الداعى ۋاقىتتا دا بىرلەسە جۇمىس ىستەۋگە مۇددەلى ەكەنىن جەتكىزدى.
بۇدان بولەك، كەزدەسۋدە مۇناي حيمياسى، اۋىل شارۋاشىلىعى، سيفرلاندىرۋ، كولىك-لوگيستيكا سالالارىندا ىنتىماقتاستىق ورناتۋ مۇمكىندىكتەرى تالقىلاندى.
