پرەزيدەنت قاسىم-جومارت توقايەۆ ب ا ءا ينۆەستيتسيالار مينيسترىمەن كەلىسسوز جۇرگىزدى
پرەزيدەنت قاسىم-جومارت توقايەۆ ب ا ءا ينۆەستيتسيالار ءمينيسترى مۇحاممەد ءال-سۋۆەيديمەن كەلىسسوز جۇرگىزدى، دەپ حابارلايدى Kazinform اقوردانىڭ باسپا ءسوز قىزمەتىنە سىلتەمە جاساپ.
مەملەكەت باسشىسى كليماتتىڭ وزگەرۋى جونىندەگى ب ۇ ۇ- نىڭ نەگىزدەمەلىك كونۆەنتسياسى تاراپتارىنىڭ 28-كونفەرەنسياسى اياسىندا بىرىككەن اراب امىرلىكتەرىنىڭ ينۆەستيتسيالار ءمينيسترى، ADQ حولدينگىنىڭ باسقارۋشى ديرەكتورى مۇحاممەد ءال-سۋۆەيديمەن كەزدەستى. قاسىم-جومارت توقايەۆ پەن مۇحاممەد ءال-سۋۆەيدي ەكى ەل اراسىنداعى ينۆەستيتسيالىق ىنتىماقتاستىقتىڭ قارقىندى دامۋىنا كوڭىلى تولاتىنىن ايتىپ، بىرلەسكەن ينۆەستيتسيالىق جوبالاردى جۇزەگە اسىرۋعا ەرەكشە نازار اۋداردى.
مەملەكەت باسشىسى كونفەرەنتسيا اياسىندا قازاقستان مەن ADQ جانە ونىڭ ەنشىلەس كومپانيالارى اراسىندا قول قويىلعان كەلىسىمدەردى جوعارى باعالادى. سونداي-اق ەكىجاقتى بايلانىستاردىڭ قازىرگى ديناميكاسىن ساقتاۋعا دايىن ەكەنىن مالىمدەدى.
كەزدەسۋ بارىسىندا قازاقستان رەسپۋبليكاسىنىڭ اۋماعىندا جالپى قۋاتى 10 گۆت بولاتىن تومەن كومىرتەكتى ەنەرگەتيكانى دامىتۋ جونىندەگى مەموراندۋمعا جانە قۋاتى 1 گۆت بولاتىن جەل ەلەكتر ستانتسياسىنىڭ جوباسى بويىنشا ۇكىمەتارالىق كەلىسىمگە قول قويۋدىڭ ماڭىزدىلىعى اتاپ ءوتىلدى.
پرەزيدەنتتىڭ پىكىرىنشە، AD Ports Group كومپانياسىمەن اراداعى تۇراقتى سەرىكتەستىك اقتاۋ جانە قۇرىق پورتتارىن كاسپي تەڭىزىندەگى باستى تەڭىز حابىنا اينالدىرۋدا ماڭىزدى ءرول اتقارادى.
سونىمەن قاتار كەزدەسۋدە Presight پەن «سامۇرىق-قازىنا» قورى اراسىنداعى بىرلەسكەن جوبالاردى جۇزەگە اسىرۋ پەرسپەكتيۆالارى، سونداي-اق QazaqGaz جانە «قازاقستان تەمىر جولى» كومپانيالارىنىڭ قاتىسۋىمەن ىسكە اسىرىلاتىن جاساندى ينتەللەكت سالاسىنداعى ستراتەگيالىق كەلىسىمدەر تالقىلاندى.
قاسىم-جومارت توقايەۆ قازاقستاندا جۇمىس ىستەيتىن ينۆەستورلارعا مەملەكەت ءارقاشان قولداۋ كورسەتەتىنىن ايتتى.
